Main Menu

ગામજનોએ પીપાવાવધામ ગામ પંચાયત અને શાળાને તાળાબંધી કરીને તંત્રની આંખ ઉઘાડવાનો પ્રયાશ કર્યો 

રાજુલાનાં દરિયાકાંઠે આવેલ અતિ કિંમતી જમીન પર જી.એચ.સી.એલ. કંપની અને ખાનગી ભૂમાફીયાઓએ કબ્‍જો કર્યો હોય જેને મુકત કરાવવાની માંગ સાથે પીપાવાવધામ સહિતના ગામજનો છેલ્‍લા એક અઠવાડિયાથી આંદોલન કરી રહયા છે.
દરમિયાનમાં આજે ગામજનોએ પીપાવાવધામ ગામ પંચાયત અને શાળાને તાળાબંધી કરીને તંત્રની આંખ ઉઘાડવાનો પ્રયાશ કર્યો હતો. બળબળતા દિવસોમાં શ્રમજીવી પરિવારના બાળકો, મહિલાઓ અને વૃઘ્‍ધો આંદોલન કરી રહયા હોવા છતાં પણ જવાબદાર અધિકારીઓ અને રાજકીય આગેવાનો વાતાનુકુલિન કચેરીમાંથી ગામજનોની સમસ્‍યા સાંભળવા દોડી જતા નથી. આ બાબતથી આંદોલનકારીઓમાં નારાજગીનો માહોલ જોવા મળી રહયો છે.