Main Menu

પૂર્વ ધારાસભ્‍ય નલિન કોટડીયાની આત્‍મવિલોપનની ચીમકી

સમગ્ર રાજયમાં બીટકોઇન કૌંભાડની તટસ્‍થ તપાસ થાય તે માટે મે ગૃહમંત્રીને તા. ર4/રના ફેકસ કરી, મોબાઇલ પર વાત કર તમામ માહિતી આપવા છતા અને ત્‍યારબાદ સીઆઇડીમાં ર8 વખત મારા ભત્રીજા કીરીટે પુરાવા સાથે જવાબ આપવા છતા શૈલેષ ભટ્ટ વિરૂઘ્‍ધ કોઇપણ પ્રકારની ફરિયાદ દાખલ ન થઇ અને આરોપીને છુટો દોર મળી રહયો છે, તેની પાછળ મોટુ માથુ છે, તેવું નલીન કોટડીયાએ જણાવ્‍યું છે.
આરોપીને અને ભાગીદાર તથા ષડયંત્ર રચનારને નેતાઓ તમામ સહકાર હોય, આ તમામ મળી એમના વિરૂઘ્‍ધના મારી પાસેના પુરાવા મેળવવા કરેલ તમામ પ્રકારનાં પ્રયાસો નિષ્‍ફળ ગયા ત્‍યારે મને શોધી ધાક-ધમકી કે કોઇપણ પ્રકારે પુરાવા મેળવી લેવા અને ન મળે તો 1ર કરોડના બીટકોઇન કૌંભાડ કે જેની સાથે મારે કોઇ લેવા દેવા નથી તેમાં પડકાયેલા આરોપી પર દબાણ કરી મારુ નામ દાખલ કરી મારી ધરપકડ કરીને પણ પુરાવા પડાવી અને એમ ન બને તો મારૂ એન્‍કાઉનટર કે હત્‍યા કરાવીનાખવાના પ્‍લાનમાં ચકરાવે ચડેલા શૈલેષ ભટ્ટ અને  મોટા માથા ભાગીદારો આ સૌકોઇ મારી અને મારા પરિવારના કોઇપણ મોત કે હત્‍યા પાછળ જવાબદાર ગણાશે અને ર40 કરોડનાં કૌંભાડના શૈલેષના મુખે બોલાયેલ આખો પ્‍લાન નેતાઓ ભાગ અને પોલીસ રક્ષણની ખાત્રી આ સાથે મારી સ્‍યુસાઇડ નોટ કે જે ગણો તે મારા મોત કે હત્‍યા થયાના સમાચાર મળતા જ મે એક અંગત વ્‍યકિતને આપેલ હોય તે મીડીયા, કોર્ટ, પોલીસ અને અન્‍યને પહોંચતા કરશે, પછી લોકોએ સમજવાનું કે શું સત્‍ય હતુ ?
વધુમાં જણાવેલ છે કે, હું જાણું છુ કે જેલમાં ગયા બાદ હુ મારા મનની વાત કે પુરાવા રજુ નહિ કરી શકુ તેથી મને ખોટી રીતે સંડોવી ધરપકડ કરે એ પહેલા સુરતના કેટલાય ગરીબ લોકોના બીટકોઇન કંપનીમાં ફસાયેલા નાણા કે જે શૈલેષ ભટ્ટના કારણે ડુબી ગયા છે, તે નાણા લોકોને પાછા મળે અને સરકારશ્રીની સારી કામગીરી ગણાય, આવા ઘ્‍યેયથી મે અને કીરીટે રજુઆત બાદ વોલેટ સહિત આઇ.ડી. કે જેમાં ર300 જેટલા (દસ લાખના ભાવના) બીટકોઇન શૈલેષના વોલેટમાં તા. 1ના રોજ એમના જ કહેવાથી કીરીટે ટ્રાન્‍સફર કરી દીધા છે, તે અને આખુય કાવતરૂ ઘડી, પાર પાડી નાણીની કોણ ખર્ચ આપે, વહેંચણી કઇ રીતે થઇ આ બધી જ વાત શૈલેષના મુખે રેકોર્ડ થયેલ તે તમામ પુરાવા સીઆઇડી અનેગૃહમંત્રીને પહોંચતા કરવા છતા 1ર કરોડના ર00 કોઇન કે જે ટ્રાન્‍સફર થયા જ નથી તે એફ.એસ.એલ.નો રીપોર્ટ આવી જવા છતા રોજ રોજ નવા  આરોપ મુકનાર શૈલેષથી કોણ અને શા માટે ડરે છે તે તપાસનો વિષય છે, પોલીસને ર40 કરોડનું કૌંભાડ બન્‍યુ છે તેમાં રસ નથી અને 1ર કરોડનું બન્‍યુ જ નથી. તેમાં કોના દબાણથી રસ છે તે સમજાતુ નથી. 1ર કરોડના કોઇન કીરીટે ટ્રાન્‍સફર નથી કર્યા તો તે સાબિત થતા સંજય કોટડીયાને વેચ્‍યાને 1ર કરોડ લઇ આવ્‍યા આ વાત પોલીસ કરે, તે સ્‍વીકારાય પરંતુ સંજયના જવાબથી એ ખોટી ઠરતા હવે નવા નવા પ્‍લાન ઘડી, વાસ્‍તવમાં જેની બુઘ્‍ધિ અને ઓથથી ર40 કરોડનું કૌંભાડ શૈલેષ ભટ્ટે કર્યુ છે તે સૌ રાજયની પોલીસ અને મીડીયા મારફત પ્રજાને ગુમરાહ કરે છે, અરે રોજબરોજના નિવેદન પ્રસિઘ્‍ધ કરી શકે છે તો સીઆઇડીને ઓડીયો કલીપ આપી છે મેળવીને લોકોને જણાવશો શૈલેષના કારનામા તો આપને પણ ધન્‍યવાદ આપીશ. જો ખંડણી માંગવા, ગોંધી રાખવા, (કોઇન પડાવવાનું પુરવાર નથી થતુ) એસ.પી. કક્ષાની વ્‍યકિત સામે પોલીસ પોતે ફરિયાદી બનતી હોય તો શૈલેષ ભટ્ટે પણ તા. 1/રના રોજ પહેલા પિયુષ કાછડીયાનું અપહરણ કરી મારી, વિડીયો ઉતારી ધવલનું અપહરણ કર્યુ અને ર300 કોઇન રીવોલ્‍વર બતાવી આઈ.ટી. ઇન્‍સ્‍પેકટર બની શેલેષઅને તેની ટોળકીએ પડાવી 14.પ0 કરોડનો મુંબઇ પી. ઉમેશમાં હવાલો કરાવી પડાવી લીધા, આ રજુઆત કે ફરિયાદ મે ગૃહમંત્રીને કરી હોય એ ફેકસ સી.આઇ.ડી.ને મળેલ હોય અને બધાજ પુરાવા આપેલ હોય તો પોલીસ પોતે કેમ ફરિયાદી નથી બનતી, અરે પોલીસને કોઇ તકલીફ હોય તો જણાવે હું ફરિયાદી થવા તૈયાર છું. પરંતુ સુરતના લોકોને નાણા પરત અપાવીને હું ઝંપીશ ભલે કદાચ મારુ મોત થાય. એવું નલીન કોટડીયાએ જણાવ્‍યું છે.
પોતાને સીઆઇડી તરફથી કોઇપણ મેસેજ નથી મળ્‍યા, બોલાવ્‍યા પણ નથી, છતા મોટા માથા અને શૈલેષ મારો પીછો કરાવી પુરાવા મેળવવા માથાભારે લોકોને મારીી પાછળ લગાડી ચુકયા છે અને એટલે જયાં સુધી શૈલેષની ધરપકડ નહિં થાય અને ર40 કરોડનું કૌંભાડ ઢાંકવા કેવા ખેલ કોણ કરે છે તે સાબિત નહિં થાય ત્‍યાં સુધી મહેરબાની કરી પોલીસ મને પકડવા પ્રયાસ ન કરે. હું કાયદા અને ન્‍યાયતંત્રનું સન્‍માન કરું છું પરંતુ તેનો સાચા ગુનેગારને બચાવવા માટે દુરઉપયોગ થાય તે ઠીક ન કહેવાય. મને કેટલાક અગ્રણી અને મોટા માથા મારફત પણ નાણા આપી નામ કઢાવવા બેઠક કરી સમાધાન કરવા ખુબ જ પ્રયાસ થઇ રહયા છે, જેમાં હું કયાંય ફસાવાનો નથી, મેં પણ હકીકત જાણવા કેટલાક નુસખા અજમાવી સમાધાન કરવું છે બોલો કઇ રીતે તેવું પુછતાજે લોકો મને સમાધાન કરવા બેઠક કરી શુટીંગ ઉતારવા માંગતા હતા જેથી ગુનો નથી જ કર્યો તો સમાધાન શા માટે ? આમ કરી મને ફસાવવા માંગતા લોકોને પણ મેં ઉઘાડા કરી દીધા છે ત્‍યારે હવે મારી પાસેના પુરાવા છે કે જેની લોકોને ખબર પડે તો નેતાને નુકશાન જાય તેમ હોય આ પુરાવા મેળવવા સૌ મથી રહયા છે. હું જાહેર કરુ છું કે મારા પર જે આક્ષેપો થઇ રહયા છે, કે કરાવાઇ રહયા છે તે સાબિત થશે તો હું ગમે તે સજા ભોગવવા તૈયાર છું. પરંતુ આક્ષેપો કરવા એનાથી કોઇ ગુનેગાર નથી બનતા, ન્‍યાયતંત્રનો નિર્ણયએ આખરી ગણાય છે. આ બાબતે આજે હું વડાપ્રધાન, રાષ્‍ટ્રીય અઘ્‍યક્ષ ભાજપ, કેન્‍દ્રિય ગૃહમંત્રી, મુખ્‍યમંત્રી, ગૃહ રાજયમંત્રી, મુખ્‍ય પોલીસ વડા અને માનવ અધિકાર પંચમાં મારા નામ જોગ પત્ર લખી શૈલેષ ભટ્ટ અને સાગરીતો તથા એક પોલીટીકલ નેતા વિરૂઘ્‍ધ ર40 કરોડનાં કૌંભાડ આચરવા ઘડાયેલ સફળ કાવતરામાં સામે સૌ કોઇ સામે ફરિયાદ નોંધવા સરકાર તૈયાર થાય એવી રજુઆત કરું છું. હું પણ ગૃહમંત્રી પ્રદિપસિંહજીને રજુઆત કરું છુ કે જો શૈલેષ ભટ્ટ અને મોટા માથા (જે શૈલેષ નામ આપશે જ) વિરૂઘ્‍ધ ગુનો દાખલ કરી ધરપકડ કરી તપાસ કરવામાં (પુરાવા હું આપીશ) નહિં આવે તો મારે મારા પરિવાર સાથે આત્‍મ વિલોપન કરવા સિવાય કોઇ રસ્‍તો નહિહોય, પણ હું જઇશ તો પણ કેટલાયને ખુલ્‍લા પાડીને જઈશ. એટલે કોઇનો આવો પ્‍લાન હોય તો ઉતાવળ ના કરતા મરીશ તો પણ પુરાવા પ્રજાને મળે તેવું કરતો જઇશ.
હું જાહેર જીવનનો વ્‍યકિત છું. કોઇપણ સાથે મળવું-બેસવું, વાત કરવી, ભલામણ કરવી મારી ફરજ છે, પરંતુ કોઇને દબાણ કરી મારું નામ આપવા કહેવાય છે, હું એસ.પી.ને મળ્‍યો નથી, કે નથી કયારેય ફોન પર આ બાબતે વાત થઇ એટલે ખોટી મથામણ કરતા, જે હકીકત છે તે જ બહાર લાવો. તેમ કહેતા કોટડીયાએ કહયું છે કે મારો ફોન બંધ નથી, ઘરે તાળુ નથી, હું ધારી જ છું.