Main Menu

અમરેલીનાં પોલીસ અધિક્ષકે નિરાધાર મા-દીકરીને ન્‍યાય અપાવી દીધો

બગસરા પોલીસ સ્‍ટેશન વિસ્‍તારમાં રહેતી એક તરૂણી કે જેના પિતાની ગેરહાજરી હોય અને આ તરૂણીની માતા છેલ્‍લા 14 વર્ષથી પોતાની બગસરા ખાતે આવેલી જમીન ખોટું સોગંધનામું તથા ખોટું કુલમુખ્‍ત્‍યાર નામું તથા ખોટું પેઢીનામાના આધારે આ કામનાઆરોપીઓએ પચાવી પાડેલ હતી. અને આ મિલ્‍કતમાં આ વિધવા બહેન તથા તેની તરૂણ વયની દિકરીનો પણ સરખો હકક હિસ્‍સો હોય પરંતુ આ કામના આરોપીઓએ આ મિલ્‍કતના કાયદેસરના વારસદાર હયાત ન હોય અને તેની વિધવા પત્‍ની અને એક તરૂણવયની દિકરી હોય જેનો કોઈ આસરો ન હોય અને નિરાધાર હોવાનો લાભ લઈ આરોપીઓએ જમીનનું ખોટું સોગંધનામું તથા ખોટું કુલમુખ્‍ત્‍યારનામું તથા ખોટું પેઢીનામાના આધારે પચાવી પાડેલ અને આ જમીનમાં પોતાનો હકક હિસ્‍સો મેળવવા વિધવા બહેન તેની તરૂણવયની દિકરી સાથે છેલ્‍લા 14 વર્ષથી વિવિધ સરકારી કચેરીઓમાં ધકકા ખાતા હતા. પરંતુ આ કામના સામાવાળ આરોપીઓ ખુબ જ શ્રીમંત તેમજ રાજકીય વગ ધરાવતાં હોય જેથી 14 વર્ષ સુધી તેઓની કોઈ રજુઆત સાંભળવામાં આવેલ નહી.
ઉપરોકત વિધવા બહેન તથા તેની તરૂણવયની દિકરી સાથે તેઓ પોલીસ અધિક્ષક રૂબરૂમાં મળવા માટે આવેલ અને પોલીસ અધિક્ષક આ વિધવા મહિલા અને તેની દીકરીની વ્‍યથા સાંભળી તેને ખાત્રી આપેલ કે આ બાબતે તપાસ કરવામાં આવશે અને તેઓની રજુઆતમાં તથ્‍થ જણાઈ આવ્‍યેથી આરોપીઓ વિરૂઘ્‍ધ કાયદેસર કાર્યવાહી કરવામાં આવશે તેવી અરજદાર બહેનને ખાત્રી આપવામાં આવેલ તે અન્‍વયે સદરહું બહેનની રજુઆત સંદર્ભની અરજીની તપાસ સ્‍પેશ્‍યલ ઈન્‍વેસ્‍ટીગેશન ટીમઅમરેલીના પોલીસ સબ ઈન્‍સ. પી.એન. મોરી તથા એસ.એસ.વાવૈયાએ આ અંગેની તપાસ કરતા રજુઆતમાં તથ્‍ય જણાઈ આવતાં આ બાબતે કુલ – 9 આરોપીઓ વિરૂઘ્‍ધ બગસરા પોલીસ સ્‍ટેશનમાં ગુન્‍હો રજીસ્‍ટર કરવામાં આવેલ છે. આમ, એક વિધવા મહિલા તથા તેની તરૂણ વયની દિકરી છેલ્‍લા 14 વર્ષથી પોતાની વડીલોપાર્જીત જમીનમાં પોતાનો હકક હિસ્‍સો મેળવવા માટે વિવિધ કચેરીઓના ધકકા ખાતા હતા તેમ છતાં પણ તેઓને ન્‍યાય મળેલ નહી. પોલીસ અધિક્ષકની સુચના અન્‍વયે સ્‍પેશ્‍યલ ઈન્‍વેસ્‍ટીગેશન ટીમએ આ બાબતે તપાસ કરી કાયદેસર ગુન્‍હો રજીસ્‍ટર કરાવી અમરેલી જિલ્‍લા પોલીસ તંત્રએ એક વિધવા મહિલાના આંસુ લુછવાનો નાનો પ્રયાસ કરેલ છે.
ઉપરોકત રજુઆત અન્‍વયે આ જમીન મેટરની પ્રાથમિક તપાસ કરનાર સ્‍પેશ્‍યલ ઈન્‍વેસ્‍ટીગેશન ટીમના પોલીસ સબ ઈન્‍સ. પી.એન. મોરી તથા એસ.એસ.વાવૈયા તથા ટીમના એ.એસ.આઈ. પી.ડી.પરમાર તથા હેડ કોન્‍સ. મુકેશભાઈ તથા કલ્‍પેશભાઈ કુવાડીયા નાઓએ સદર રજુઆતની પ્રાથમિક તપાસ કરી અરજદાર કિશોરીની ફરિયાદ લઈ બગસરા પોલીસ સ્‍ટેશનમાં ગુન્‍હો રજીસ્‍ટર કરાવેલ છે. આગળની વધુ તપાસ બગસરા પોલીસ સબ ઈન્‍સ. એમ.એ.મોરી ચાલાવી રહેલ છે.