www.citywatchnews.com

Amreli Live Breking News City Watch News





અમરેલી

અમરેલીમાં નાગનાથ દ્વિશતાબ્‍દી મહોત્‍સવનાં સહયોગી દાતા સ્‍વયંસેવકોની આભાર દર્શન બેઠક યોજાઈ

અમરેલી નગરના ભાવિક ભકતોની આસ્‍થા અને શ્રદ્ધાના પ્રતીક સમાન નાગનાથ દાદાના દ્વિશતાબ્‍દી મહોત્‍સવમાં સહયોગ આપનાર દાતાઓ, સામાજિક, ધાર્મિક, શૈક્ષણિક સંગઠનો, તમામ જ્ઞાતિના પ્રતિનિધિઓ, સ્‍વયંસેવકો, ભાવિક ભકતો વિગેરેના સહકારથી સમગ્ર મહોત્‍સવ સફળ રહયો તે બદલ નાગનાથ દ્વિશતાબ્‍દી મહોત્‍સવ સમિતિના નેતૃત્‍વ કરતા કન્‍વીનર તથા લેઉવા પટેલ સમાજના પ્રમુખ ડી.કે. રૈયાણીની અઘ્‍યક્ષતામાં રૈયારાજ ફાર્મ ખાતે આભાર પ્રસ્‍તાવ સમારોહનું આયોજન કરવામાં આવ્‍યું હતું.આ પ્રસંગે મહોત્‍સવમાં વિશેષ યોગદાન આપનાર સહયોગી પટેલ મંડપ સર્વિસના માલીક વજુભાઈ ગોલ, ડી.કે. રૈયાણી, બાબુભાઈ કલરવાળા, નંદાભાઈ વરે, હકુભાઈ ચૌહાણ, દિનેશભાઈ રામાણી સહિતના મહાનુભાવોનું શાલ, મોમેન્‍ટોથી સન્‍માન કરવામાં આવ્‍યું હતું. આ પ્રસંગે અમરેલીના લોક પ્રતિનિધિઓ પૂર્વ કેબીનેટ મંત્રી દિલીપભાઈ સંઘાણી, ધારાસભ્‍યો વિરજીભાઈ ઠુંમર, જિલ્‍લા પંચાયતના પ્રમુખ જેનીબેન ઠુંમર, નગરપાલિકાના પ્રમુખ અલ્‍કાબેન ગોંડલીયા, ભુપતભાઈ મેતલીયા, કાંતિભાઈ વઘાસીયા, અરવિંદભાઈ સીતાપરા, ટ્રસ્‍ટી મુકેશભાઈ જાની સહિત વેપારીએસોસિએશનના પ્રતિનિધિ, સહકારી આગેવાનો, તમામ જ્ઞાતિના પ્રતિનિધિઓએ મહોત્‍સવની સફળતા બદલ ડી.કે. રૈયાણીના નેતૃત્‍વને બિરદાવીને અભિનંદન આપ્‍યા હતા. આભાર પ્રસ્‍તાવ કાર્યક્રમમાં મહોત્‍સવના આવક- જાવકના હિસાબો કન્‍વીનર ડી.કે. રૈયાણીએ જાહેરમાં રજૂ કરીને વહીવટીય પારદર્શકતા તથા પ્રામાણિકતાનું ઉતમ ઉદાહરણ પુરૂ પાડયું હતું. સમગ્ર કાર્યક્રમનું સફળ સંચાલન હરેશ બાવીશીએ કર્યું હતું. તથા સમારોહને સફળ બનાવવા માટે રાજનભાઈ જાની, કેયુરભાઈ રૈયાણી, જાનીદાદા, વ્‍યાસભાઈ વિગેરે યુવા ટીમે ભારે જહેમત ઉઠાવી હતી.