www.citywatchnews.com

Amreli Live Breking News City Watch News





અમરેલી

વનવિભાગે સિંહોની સુરક્ષા માટે ટેકરા બનાવ્‍યા

શેત્રુંજી નદી આસપાસ 3પ જેટલા સિંહોનો વસવાટ હોવાથી સુરક્ષા વધારવી જરૂરી હતી
આનંદો : વનવિભાગે સિંહોની સુરક્ષા માટે ટેકરા બનાવ્‍યા
સિંહપ્રેમીઓની સિંહોની સુરક્ષા મામલે થયેલ રજુઆત બાદ વનવિભાગ સક્રીય
3 વર્ષ પહેલાં નદીમાં ઘોડાપુર આવતાં અંદાજિત 9 સિંહો પુરમાં તણાઈ ગયા હતા
અમરેલી, તા. 11
અમરેલી જિલ્‍લામાં ખાસ કરીને શેત્રુંજી નદી કાંઠાના વિસ્‍તારોમાં જે અમરેલીનો બૃહદગીર વિસ્‍તાર છે તેમાં મોટી સંખ્‍યામાં સિંહોનું વિચરણ છે અને ગરમીને કારણે સિંહો શેત્રુંજી નદીમાં જ બેસી રહેછે અને અહીનાં ઠંડા વિસ્‍તારમાં જ તેનો કાયમી નિવાસ છે. ત્‍યારે ચોમાસામાં સિંહોને અહીથી દુર કરવા જરૂરી છે પરંતુ સિંહોને આ વિસ્‍તાર છોડવો ન હોય તેમ અહી જ પડયા અને પાથર્યા રહેતા હોવાથી વનવિભાગ અમરેલી ઘ્‍વારા અહી નદીમાં આસપાસ પુર આવે તો સિંહોની સલામતી માટે અમરેલી રેન્‍જ ઘ્‍વારા માઉન્‍ટ બનાવી નવતર પ્રયોગ              કરાયો છે.
અમરેલી અને લીલીયા વિસ્‍તારમાંથી પસાર થતી શેત્રુંજી નદીના પટ્ટમાં આશરે 3પ જેટલા સિંહ પરિવારો વિચરણ કરી રહૃાા છે. આ નદીનો પટ્ટ સિંહોનું કાયમી રહેઠાંણ બની ગયું છે. ઉપરાંત બાવળોની ઝાડીઓમાં પણ સિંહોની અવર-જવર કાયમી હોય છે. ત્‍યારે ચોમાસા દરમિયાન સિંહોની સલામતી જોખમાય નહી એ માટે વનવિભાગ ઘ્‍વારા ખાસ આયોજન કરી માઉન્‍ટ બનાવવાનો નવતર પ્રયોગ કરવામાં આવ્‍યો છે. અમરેલી જિલ્‍લાનાં શેત્રુંજી નદીમાં 3 વર્ષ પહેલા પુરપ્રકોપના કારણે હજારો પશુઓ તણાઈ મોતને ભેટયા હતા. જેમાં આશરે 9 જેટલા સિંહોના પણ મૃત્‍યુ થયા હતા. ત્‍યારે અમરેલી વન વિભાગ ઘ્‍વારા આ વિસ્‍તારોમાં સિંહોની સલામતી માટે ચાર જેટલા માઉન્‍ટ બનાવવામાં આવ્‍યા છે અને ત્રણ વનવિભાગની ટુકડી સતત ખેદરેખ રાખી રહી છે. ત્‍યારે પર્યાવરણપ્રેમીઓની સિંહો બચાવવાની માંગણી સાકાર થઈ છે.
સ્‍થાનિક પ્રકૃતિની સંસ્‍થા સાથેજોડાયેલા લોકોની અનેક રજુઆત હતી કે, ગત ર01પમાં અમરેલીમાં થયેલ જળહોનારતતથી 10 ઉપરાંતના એશિયાટીક સિંહો શેત્રુંજી નદીમાં આવેલ પુરનાં કારણે મોતને ભેટયા હતા. જેથી ચોમાસા દરમિયાન સિંહોને અહીથી સ્‍થળાંતર કરવા અથવા તેમની સેફટી માટે ઊંચા સિમેન્‍ટ કોન્‍ક્રેટનાં ઓટલા-માઉન્‍ટ બનાવવા જેથી અનાયાસે આવેલ પુરમાં સિંહો તે નદી આસપાસનાં ઓટલા પર ચડી બેસે જેથી સિંહો સેઈફ રહી શકે. તેથી હાલ વન વિભાગ ક્રાંકચ બૃહદ ગીર ઘ્‍વારા અહી રેન્‍જ ઘ્‍વારા માઉન્‍ટ બનાવી નવતર પ્રયોગ કરાયો છે. જેથી કદાચ સિંહો સહિતના વન્‍ય જીવો ઓચિંતા આવેલ પુરમાં બચી શકે તેવી પ્રર્યાવરણ પ્રેમીની માંગણીઓ પર સિંહો માટે પ્રિમોન્‍સુન પ્‍લાન મુજબ ટેકરા બનાવ્‍યા છે જે વનવિભાગના અધિકારીઓએ જણાવ્‍યું હતું કે, અમરેલી રેન્‍જના લીલીયા ક્રાંકચના શેત્રુંજી નદીના વિસ્‍તારોમાં સિંહોની સલામતી માટે પ્રિ મોન્‍સુન પ્‍લાનમાં માઉન્‍ટ બનાવાયા છે. ત્‍યારે આ સિંહો બચાવવાનાં નવતર પ્રિ મોન્‍સુન પ્‍લાનના નવતર પ્રયોગથી ચોમાસામાં આવતા પુરથી સિંહોને બચાવવામાં કેટલો કારગત નિવડે છે તે તો આવનારો સમય જ બતાવશે.