વિધાનસભા સામાન્ય ચૂંટણી-૨૦૨૨, ચૂંટણી લડતા ઉમેદવારોએ પ્રચારના વાહનો ચૂંટણી અધિકારી સમક્ષ રજીસ્ટરર કરાવવાના રહેશે

વિધાનસભાની સામાન્ય ચૂંટણી-૨૦૨૨ જાહેર થઈ ચૂકી છે. જિલ્લામાં તા.૦૧ ડિસેમ્બર, ૨૦૨૨ના રોજ મતદાન અને મત ગણતરી તા. ૮ ડિસેમ્બર, ૨૦૨૨ના રોજ થશે. ચૂંટણીપ્રચાર અભિયાનરૂપે રાજકીય/બિનરાજકીય પક્ષના કાર્યકરો અને ચૂંટણી ઉમેદવારો તરફથી પોતપોતાના મત વિસ્તારોમાં ચૂંટણી પ્રચાર ઝુંબેશ શરુ કરવામાં આવી છે. પ્રચારના હેતુ માટે તેઓ દ્વારા કે તેઓની સહમતિથી બીજા કોઇ વ્યક્તિ દ્વારા પ્રચાર માટે વાહનોનો ઉપયોગ કરવામાં આવે છે આવા વાહનો પર દેખરેખ રાખવા અને ઉમેદવારોના પ્રચાર માટે વપરાતા વાહનોના સંબંધમાં થતો ખર્ચ યોગ્ય રીતે જાહેર થાય તે હેતુથી અને જો આમ ન કરવામાં આવે તો તેમના પ્રતિસ્પર્ધી ઉમેદવારો તથા જનસામાન્ય તરફથી સાચી-ખોટી ફરિયાદો ઉપસ્થિત થવા અને એકબીજા જુથો વચ્ચે મનદુઃખ અને ઘર્ષણ ઉભુ થવાની સંભાવના તેમજ સુલેહ-શાંતિનો ભંગ થવા સંભવ રહે છે. જિલ્લા મેજીસ્ટ્રેટશ્રી, અમરેલી દ્વારા ફોજદારી કાર્યરીતિ અધિનિયમ-૧૯૭૩ની (૧૯૭૪નો બીજો અધિનિયમ) કલમ-૧૪૪ અન્વયે જાહેરનામુ ફરમાવેલ છે. કોઇપણ રાજકીય પક્ષો કે બિનરાજકીય પક્ષો તેમના ઉમેદવારો કે તેની સહમતિથી બીજા કોઇ વ્યક્તિ દ્વારા ચૂંટણી પ્રચાર માટે વાહનોનો ઉપયોગ કરવામાં આવે તેવા તમામ વાહનો વિધાનસભાના ચૂંટણી ઉમેદવારે તેમના ચૂંટણી અધિકારીશ્રી પાસે આવા વાહનો રજીસ્ટર કરાવવાના રહેશે. રજીસ્ટર કરાયેલ વાહનની પરમિટ તેમના પાસેથી મેળવી, અસલ પરમિટ જ વાહનની ઉપર સહેલાઇથી દેખાઇ આવે તે રીતે વિન્ડ સ્ક્રીમન પર ચોંટાડવાની રહેશે. કોઇપણ સંજોગોમાં પરમીટની ફોટોકોપી ચાલશે નહિ. ઉપરાંત પરમીટ મેળવ્યા સિવાય અને વાહન રજીસ્ટવર કરાવ્યાા સિવાય કોઇપણ વાહનોનો ચૂંટણીપ્રચાર માટે ઉપયોગ કરી શકાશે નહિ. આ નિયંત્રણો યાંત્રિક શક્તિ કે અન્યો રીતે ચાલતા તમામ વાહનોને લાગુ પડશે. હુકમનો અમલ સમગ્ર અમરેલી જિલ્લાના વિસ્તા્રમાં ચૂંટણી પ્રક્રિયા પૂર્ણ થાય સુધી કરવાનો રહેશે. હુકમનું ઉલ્લંઘન કરનાર કે ઉલ્લંઘન માટે મદદ કરનાર શખ્સો ભારતીય દંડ સંહિતાની કલમ-૧૮૮ હેઠળ સજાને પાત્ર થશે.