સિહોર ટાણા રોડ પર આવેલ ફાયરીંગ બટ વિસ્તારમાં જવા પર પ્રતિબંધ ફરમાવતું જાહેરનામું બહાર પાડતા અધિક જિલ્લા મેજીસ્ટ્રેટશ્રી

       ભાવનગર જિલ્લાના શિહોર ગામની સર્વે નં.૨૮૨ની સિહોર – ટાણા રોડની દક્ષિણ બાજુએ આવેલ જમીન કે જેનો ઉપયોગ હાલ ફાયરિંગ બટ માટે થાય છે. આ ફાયરિંગ બટ ખાતે આગામી તા.૦૧-૦૮-૨૦૨૨ થી તા.૧૨-૦૮-૨૦૨૨, તા.૨૬-૦૮-૨૦૨૨ થી તા.૦૪-૦૯-૨૦૨૨ તથા તા.૦૮-૦૯-૨૦૨૨ થી તા.૧૭-૦૯-૨૦૨૨ નાં સમયગાળા દરમ્યાન ૩ ગુજરાત એર સ્ક્વોડ્રન બટાલીયન એન.સી.સી., ભાવનગરનાં કેડેટનાં ટ્રેનિંગનાં ભાગરૂપે, તા.૨૧-૦૭-૨૦૨૨નાં રોજ ભાવનગર સ્ટેટ બેન્ક, ભાવનગરનાં હથિયારી ગાર્ડ્સનાં ટ્રેનિંગનાં ભાગરૂપે અને તા.૧૭-૦૮-૨૦૨૨નાં રોજ ઇન્ડિયન કોસ્ટ ગાર્ડનાં કર્મચારીઓનાં ટ્રેનિંગનાં ભાગરૂપે ફાયરીંગ પ્રેક્ટિસનું આયોજન કરવામાં આવેલ છે. જેથી જાનમાલની સલામતી ખાતર અધિક જિલ્લા મેજિસ્ટ્રેટશ્રી, ભાવનગર દ્વારા ઉપરોક્ત દિવસે ઉપરોક્ત વિસ્તારની આજુબાજુનાં ૧૦૦ મીટર સુધીનાં વિસ્તારમાં કોઈપણ શખ્સે પ્રવેશ કરવા તથા ઢોર ચરાવવા બાબતે પ્રતિબંધ મૂકતું જાહેરનામું બહાર પાડેલ છે. આ જાહેરનામાનો ભંગ કરનારને અધિનિયમની કલમ ૧૩૧ મુજબ સજા થશે.