શમિતા શેટ્ટી વિનરની વાતથી તેની મોટી બહેન અને શિલ્પા શેટ્ટી ઘણી ખુશ

શમિતા શેટ્ટી શરૂઆતથી તેની ગેમ માટે બિગ બોસ ઓટીટીના હોસ્ટ તરફથી પ્રશંસા મેળવી રહી છે. તો બીજી તરફ શોમાંથી આઉટ થયેલા કેટલાક કન્ટેસ્ટન્ટ્‌સે મેકર્સ શમિતા શેટ્ટી સાથે પક્ષપાત કરી રહ્યા હોવાનો આરોપ લગાવી ચૂક્યા છે. આટલું જ નહીં કેટલાક સોશિયલ મીડિયા યૂઝર્સે પણ કહ્યું હતું કે મેકર્સ શમિતા શેટ્ટીને જ વિનર બનાવવા માગે છે. શમિતા શેટ્ટી ગેમ કરતાં ઘરમાં રાકેશ બાપટ સાથેના બોન્ડિંગના કારણે વધારે ચર્ચામાં રહી છે. શમિતા શેટ્ટી અને રાકેશ બાપટે હાલમાં જ એકબીજા પ્રત્યેની લાગણીની કબૂલાત કરી હતી. સુનંદા શેટ્ટીએ જ્યારે બિગ બોસ ઓટીટીની મુલાકાત લીધી હતી ત્યારે તેમણે પણ રાકેશ બાપટના વખાણ કર્યા હતા.બિગ બોસ ઓટીટીના વિનરની જાહેરાત થવાને આડે માત્ર હવે ગણતરીના કલાક બાકી છે. આજે જ બિગ બોસ ઓટીટીને તેનો વિનર મળી જશે. શમિતા શેટ્ટી, રાકેશ બાપટ, પ્રતિક સહજપાલ, દિવ્યા અગ્રવાલ અને નિશાંત ભટ્ટ રિયાલિટી શોના ફાઈનાલિસ્ટ છે.

શમિતા શેટ્ટી ફિનાલેમાં પહોંચી છે આ વાતથી તેની મોટી બહેન અને બોલિવુડ એક્ટ્રેસ શિલ્પા શેટ્ટી ઘણી ખુશ છે. શિલ્પા શેટ્ટીએ તેના ઈન્સ્ટાગ્રામ અકાઉન્ટ પર શમિતાએ બિગ બોસના ઘરમાં પસાર કરેલી કેટલીક યાદગાર ક્ષણોનો હૃદયસ્પર્શી વીડિયો શેર કર્યો છે. એક્ટ્રેસે આ સાથે શમિતા શેટ્ટીના ફેન્સને તેને બિગ બોસ જીતવામાં મદદ કરવાની અપીલ કરી છે. શિલ્પા શેટ્ટીએ તેને ગર્વ થઈ રહ્યો હોવાનો ઉલ્લેખ કર્યો છે અને તેના માટે શમિતા પહેલાથી જ વિનર હોવાનું જણાવ્યું છે. તેણે લખ્યું છે કે કેવી રીતે તેની ‘ટુનકી’ શોની જર્ની દરમિયાન પોતે ખરેખર જે છે તે દેખાઈ આવી છે. શિલ્પા શેટ્ટીએ લખ્યું છે ‘મારી ટુનકી ટોપ ૫માં છે અને હું તેના પર ગર્વ અનુભવુ છું. બિગ બોસના ઘરની અંદર આ જર્નીના માધ્યમથી તેની અંદર આવેલી પ્રામાણિકતા અને ગરીમા જાેઈને મને ખુશી થાય છે. મારી ડાર્લિંગ મારા માટે તું પહેલાથી જ વિનર છે. આશા છે કે તમે બધા તેને બિગ બોસની વિનર બનાવશો. શમિતા શેટ્ટીના ફેન્સ ચાલો તેને શક્ય બનાવીએ’.