હોલિવૂડ અભિનેતા ડેની માસ્ટરસનને બળાત્કારના કેસમાં ૩૦ વર્ષની સજા!
હોલિવૂડ જગતના જાણીતા અભિનેતા ડેની માસ્ટરસનને બળાત્કારના કેસમાં દોષી ઠેરવવામાં આવ્યો છે. આ અભિનેતાને હોલીવુડ હિલ્સના ઘરે ત્રણ મહિલાઓ પર બળાત્કારનો આરોપ લાગાવ્યા હતા. લોસ એન્જલસની કોર્ટમાં બુધવારના રોજ આ કેસની સુનાવણી દરમિયાન જ્યુરીએ ડેની માસ્ટરસનને ત્રણમાંથી બે મહિલાઓ પર બળાત્કાર કરવા બદલ દોષી ઠેરવ્યો હતો. અભિનેતા ડેની માસ્ટરસન પર મહિલાઓના પીણાંમાં ભેળસેળ કર્યા બાદ બળાત્કારનો આરોપ લગાવ્યો હતો. લોસ એન્જલસની કોર્ટે આ કેસની સુનાવણીમાં જ્યુરીએ અભિનેતાને ત્રણમાંથી બે મહિલાઓ પર બળાત્કાર કરવા બદલ દોષી ઠેરવ્યો હતો. એક અઠવાડિયાની વિચાર-વિમર્શ બાદ અભિનેતા વિરુદ્ધ ચુકાદો આપ્યો હતો. ત્રીજી મહિલાના આરોપ પર જ્યુરીએ હજુ ર્નિણય લેવાનો બાકી છે. આવી સ્થિતિમાં હવે આ કેસની આગામી સુનાવણી ૪ ઓગસ્ટે થશે. પીડિત મહિલાએ કહ્યું, ‘હું જુદી જુદી લાગણીઓ અનુભવું છુ. મારો દુરુપયોગ કરનાર ડેની માસ્ટરસનને તેના દુષ્કૃત્યનો પરિણામોનો સામનો કરવો પડશે.’ ડેની માસ્ટરસનને તેના ફેમસ ટીવી શો ‘ધેટ ૭૦ શો’થી ઓળખ મળી હતી. આ સિવાય તે ‘મેન એટ વર્ક’ અને ‘ધ રાંચ’ નામના ટીવી શોમાં પણ જાેવા મળ્યો હતો. વર્ષ ૨૦૧૧માં ડેનીએ અભિનેત્રી અને મોડલ બિજાેઉ ફિલિપ્સ સાથે લગ્ન કર્યા હતા. બંનેને એક પુત્રી છે.
Recent Comments