નોરા ફતેહીની છે ઈચ્છા બીજી કેટરિના કૈફ બનવાની

બોલિવૂડના બેસ્ટ ડાન્સર્સમાં સ્થાન જમાવનારી નોરા ફતેહીનું ફેન ફોલોઈંગ દિવસે-દિવસે વધી રહ્યું છે. નોરાને સ્ક્રિન પર જાેવા ઉત્સુક રહેનારા અને તેની ફેશનિસ્ટા ઈમેજથી ઈમ્પ્રેસ થનારો વર્ગ ઘણો મોટો છે. નોરાએ સ્ટાઈલ અને ફેશનની જે સેન્સ ડેવલપ કરી છે, તેના કારણે સોશિયલ મીડિયા પર નોરાએ મૂકેલા દરેક ફોટોગ્રાફ્સને હજારો લાઈક્સ મળે છે. નોરાએ ભારતમાં આવીને કરિયરની શરૂઆત કરી ત્યારે ઘણાં લોકો તેની સરખામણી કેટરિના કૈફ સાથે કરતા હતા. કેટલાક લોકો તો નોરાને સીધું પૂછી પણ લેતા હતા કે શું તેની ઈચ્છા બીજી કેટરિના કૈફ બનવાની છે? નોરાએ કરિયર શરૂ ત્યારે માત્ર એક ડાન્સર તરીકેના રોલ મળતા હતા. શરૂઆતમાં તેનો રોલ ગ્રૂપ ડાન્સર્સમાં જ રહેતો હતો. ધીમે-ધીમે લીડ ડાન્સર તરીકે તેણે ઓળખ ઊભી કરી અને ફિલ્મોમાં રોલ પણ મળવા લાગ્યા હતા. શરૂઆતના દિવસોને યાદ કરતા નોરાએ જણાવ્યુ હતું કે, સફળતાની સીડીઓ ચડતા પહેલાં તેણે હિન્દી સુધારવા મહેનત કરી હતી. ઘણી તકો તેને છેલ્લી ઘડીએ મળતી હતી. તૈયારી કરવાનો સમય મળતો ન હતો, પરંતુ પોતે તેના માટૈ તૈયાર હોવાના કારણે સરળતાથી કામ કરી શકી હતી. નોરા કેનેડિયન મૂળની છે અને તેના ઉચ્ચારો તથા બોડી લેન્ગવેજમાં કેનેડિયન અસર જાેવા મળતી હતી. નોરાએ જણાવ્યું હતું કે, હિન્દી સુધારવા માટે તે આખો દિવસ રૂમમાં ભરાઈ રહેતી હતી અને ટીવી પર હિન્દી ફિલ્મો જાેતી હતી. કામ પ્રત્યે આ નિષ્ઠા હોવાના કારણે અન્ય એક્ટ્રેસની જેમ પાર્ટી કે બોયફ્રેન્ડ માટે સમય આપ્યો ન હતો. ભારતમાં આવ્યાના બીજા મહિનાથી જ નોરાને પોતાની કમજાેરી સમજાઈ ગઈ હતી અને તેણે હિન્દી ઓડિયન્સ માટે કેનેડિયન ઈમેજને સુધારવા મહેનત શરૂ કરી હતી. નોરા પોતાના ભાઈના લગ્નમાં પણ જઈ શકી ન હતી. જેના પગલે અનેક લોકો તેને પૂછતાં હતાં કે, શું તેને બીજી કેટરિના કૈફ બનવું છે? જાે કે નોરાએ પોતાની આ કામગીરી ચાલુ રાખી. ડાન્સ નંબર ઉપરાંત નોરાને હવે ફિલ્મોમાં પણ રોલ મળી રહ્યા છે. ડાયરેક્ટર તરીકે કુણાલ ખેમુની પહેલી ફિલ્મ મડગાંવ એક્સપ્રેસમાં નોરાનો મહત્ત્વનો રોલ છે.