‘એનિમલ’ ફિલ્મના ખૂબ જ મહત્વના રોલમાં છે બોબી દેઓલ

રણબીર કપૂર, રશ્મિકા મંદન્ના અને અનિલ કપૂર સ્ટારર ફિલ્મ ‘એનિમલ’ નું ટીઝર રિલીઝ થઈ ગયું છે, જેમાં રણબીર એવા લુકમાં જાેવા મળી રહ્યો છે જેમાં અભિનેતાના ચાહકોએ તેને ક્યારેય જાેયો ન હોત. રણબીરના લુકની ફેન્સમાં ખૂબ ચર્ચા થઈ રહી છે. આ ફિલ્મ માટે અભિનેતાએ જબરદસ્ત ટ્રાન્સફોર્મેશન કર્યું છે. પરંતુ, રણબીર સિવાય ‘એનિમલ’ના ટીઝરમાં એક અભિનેતાની ઝલક જાેવા મળી છે, જેની ચર્ચા હવે દરેક જગ્યાએ થઈ રહી છે.

આ એક્ટર છે બોબી દેઓલ, જે એનિમલમાં ખૂબ જ મહત્વના રોલમાં જાેવા મળશે. એવી ચર્ચા છે કે બોબી દેઓલ ‘એનિમલ’માં ભયજનક વિલનનો રોલ કરીને રણબીરને ટક્કર આપવા જઈ રહ્યો છે. એટલે કે એનિમલનો દુશ્મન બોબી દેઓલ હશે. એનિમલ એક ગેંગસ્ટર ડ્રામા છે, જેને હિન્દી સિનેમાની અત્યાર સુધીની સૌથી હિંસક ફિલ્મ હોવાનો દાવો કરવામાં આવી રહ્યો છે.

જબરદસ્ત એક્શન અને સસ્પેન્સથી ભરપૂર એનિમલનું ટીઝર રશ્મિકા અને રણબીર વચ્ચેની વાતચીતથી શરૂ થાય છે, જ્યાં રશ્મિકા પાસેથી પિતાનું નામ સાંભળીને રણબીર વિચિત્ર વર્તન કરવા લાગે છે. આગળના સીનમાં, તે તેના પિતા અનિલ કપૂર દ્વારા થપ્પડ મારતો અને પછી હસતો જાેઈ શકાય છે.. શરૂઆતમાં સિમ્પલ લુકમાં દેખાયા બાદ રણબીર લાંબા વાળ, વધેલી દાઢી અને બુલેટનો વરસાદ સાથે એક અલગ જ લુકમાં જાેવા મળી રહ્યો છે. આ પછી, છેલ્લા દ્રશ્યમાં તે લોહીથી લથપથ જમીન પર પડેલો જાેવા મળે છે.

એનિમલના ટીઝરના અંતમાં બોબી દેઓલની એક નાની ઝલક પણ જાેઈ શકાય છે અને તેણે આ ઝલકમાં અજાયબીઓ કરી બતાવી છે. મોટી દાઢી, ગળામાં માળા અને પાયજામા પહેરેલ બોબી ટશન સાથે દરવાજાે ખોલે છે અને આ એક લુક સાથે તેણે હલચલ મચાવી દીધી છે. તમને જણાવી દઈએ કે, સંદીપ રેડ્ડી વાંગા દ્વારા નિર્દેશિત એનિમલમાં રણબીર કપૂર સિવાય, રશ્મિકા મંદન્ના, અનિલ કપૂર, તૃપ્તિ ડિમરી અને પરિણીતી ચોપરા પણ મહત્વની ભૂમિકામાં હશે. રણબીર કપૂર માટે પણ આ ફિલ્મ ખૂબ જ ખાસ છે, કારણ કે અત્યાર સુધી તે ક્યારેય હિંસક ભૂમિકામાં જાેવા મળ્યો નથી. આ ફિલ્મમાં તે એકદમ અલગ અવતારમાં જાેવા મળશે. આવી સ્થિતિમાં અભિનેતાના ચાહકોમાં પણ હલચલ મચી ગઈ છે. નોંધનીય છે કે પહેલા આ ફિલ્મમાં પરિણીતી ચોપરાને લીડ એક્ટ્રેસ તરીકે સાઈન કરવાની ચર્ચા હતી, પરંતુ બાદમાં સમાચાર આવ્યા કે રશ્મિકા મંદન્ના આ ફિલ્મમાં લીડ એક્ટ્રેસ તરીકે જાેવા મળશે.