fbpx
ગુજરાત

અમદાવાદમાં સુરતથી વધારે કોરોના કેસો, મહેસાણા, બનાસકાંઠા અને પાટણમાં સ્થિતિ ગંભીર

ગુજરાતમાં કોરોનાએ ફરી ઉથલો માર્યો છે અને છેલ્લાં ત્રણ દિવસમાં ફરી કેસોમાં ઉત્તરોત્તર વધારો નોંધાઇ રહ્યો છે. આજે કોરોનાનાં નવાં ૧૧૨૫ કેસ અને છ મોત નોંધાયા છે. હવે અમદાવાદમાં ફરી સુરતથી વધારે કેસો નોંધાઇ રહ્યા છે. આજે અમદાવાદમાં ૨૦૭ અને સુરતમાં ૧૮૪ કેસ નોંધાયા છે. હાલ સમગ્ર રાજ્યમાં ૧૨,૨૪૫ એક્ટિવ કેસ છે.
આજે અમદાવાદમાં ૨૦૭, સુરતમાં ૧૮૪, રાજકોટમાં ૧૩૪, વડોદરામાં ૧૩૦, મહેસાણામાં ૭૦, ગાંધીનગરમાં ૪૭, બનાસકાંઠામાં ૪૧, પાટણમાં ૩૮, જામનગરમાં ૩૮, સાબરકાંઠામાં ૨૩, મોરબીમાં ૨૨, સુરેન્દ્રનગરમાં ૨૦, ભરૂચમાં ૧૮, પંચમહાલમાં ૧૭ અને જૂનાગઢમાં ૧૭ કેસ નોંધાયા છે. મહેસાણા, બનાસકાંઠા અને પાટણમાં કેસોનો રાફડો ફાટવાના કારણે પરિરિસ્થિતિ ગંભીર બની છે. અહીં કોરોનાની સારવાર માટે પ્રમાણમાં ઓછી સગવડતા હોવાથી અહીંના દર્દીઓને સારવાર માટે અમદાવાદ કે ગાંધીનગરની હોસ્પિટલોનો આધાર રાખવો પડે છે.
છેલ્લાં ૨૪ કલાકમાં અમદાવાદમાં બે, રાજકોટમાં બે, સુરતમાં એક અને વડોદરામાં એક એમ કુલ છ કોરોના દર્દીઓના મોત થયાં છે. રાજકોટમાં કેસોની સંખ્યા વડોદરા કરતા પણ વધુ હોવાથી અહીં પણ કોરોનાએ ફરી ઉથલો માર્યો છે. આજના કેસો બાદ કુલ કેસોની સંખ્યા ૧,૮૩,૮૪૪ થઇ છે અને કુલ મોતનો આંક ૩,૭૭૯ થયો છે. સમગ્ર રાજ્યમાં અત્યારે ૧૨,૨૪૫ એક્ટિવ છે. જે પૈકી ૭૪ વેન્ટિલેટર પર અને ૧૨,૧૭૧ સ્ટેબલ છે. આજે થયેલા ૧૩૫૨ ડિસ્ચાર્જ બાદ કુલ ડિસ્ચાર્જનો આંક ૧,૬૭,૮૨૦ થયો છે.

Follow Me:

Related Posts