fbpx
ગુજરાત

પિયરથી ૩૦ લાખ રૃપિયા લાવ નહીં તો ગુંડા ભાડે રાખી તારો રેપ કરાવીશ

જમાનો આધુનિક થયો પરંતુ દહેજનું દૂષણ અને મહિલાઓ પર થતાં અત્યાચાર અટકવાનું નામ નથી લઈ રહ્યા. દહેજ માટે મહિલાને પતિ અને સાસરિયા દ્વારા પ્રતાડિત કરવામાં આવતી હોય તેવો વધુ એક કિસ્સો સામે આવ્યો છે. એક ડર્મટોલોજીસ્ટે (સ્કીનના ડૉક્ટર) પોતાના ડૉક્ટર પતિ સામે ૩૦ લાખ રૂપિયા દહેજ માગવાની ફરિયાદ નોંધાવી છે. સાથે જ પતિએ તેના પર બળાત્કાર કરાવવા ગુંડા ભાડે રાખવાની પણ ધમકી આપી હતી. નરોડામાં રહેતી ૨૯ વર્ષીય ડૉક્ટરે ગાંધીનગરમાં રહેતા પતિ સામે ગુરુવારે મહિલા પોલીસ સ્ટેશન (પૂર્વ વિસ્તાર)માં ફરિયાદ નોંધાવી હતી.

મહિલા તબીબે ફરિયાદમાં જણાવ્યું કે, મુંબઈના ડોમ્બીવલીમાં ક્લિનિક ચલાવતા ડૉક્ટર સાથે તેની મુલાકાત ૨૦૧૯માં એક મેટ્રિમોનિયલ સાઈટ દ્વારા થઈ હતી. ૧૧ નવેમ્બર ૨૦૧૯માં મહિલાએ આ ડૉક્ટર સાથે લગ્ન કર્યા હતા અને બાદમાં તેઓ ગાંધીનગરમાં તેના ઘરે રહેવા લાગ્યા. મહિલાનો આરોપ છે કે, લગ્નના એક અઠવાડિયામાં જ પતિ અને સાસરીવાળાઓ તેની પાસે દહેજ માગવા લાગ્યા હતા.
“તેઓ મને કામે નહોતા જવા દેતા. તેઓ મારી સાથે નોકર જેવું વર્તન કરતા હતા. તેઓ બળજબરીથી મારી પાસે ઘરનું બધું જ કામ કરાવતા હતા અને જ્યારે હું કહેતી હું પણ ડૉક્ટર છું મારે પણ કામ કરવું છે ત્યારે મારઝૂડ કરતા હતા”, તેમ મહિલાએ ફરિયાદમાં જણાવ્યું.

મહિલાના આરોપ મુજબ તેનો પતિ જાન્યુઆરી ૨૦૨૦માં તેને પિયર મૂકીને ગયો હતો. બાદમાં તેના માતાપિતા પાસેથી ૩૦ લાખ રૂપિયા લાવવા દબાણ કરતો હતો જેથી તે દવાખાનું શરૂ કરી શકે. “જ્યારે મેં તેની વાત માનવાની ના પાડી ત્યારે મારા પતિ અને તેના સંબંધીઓએ ગુંડા ભાડે રાખીને મારો રેપ કરાવી દેવાની ધમકી આપી. સાથે જ મને બદનામ કરશે તેમ કહ્યું હતું”, તેમ મહિલાએ એફઆઇઆરમાં જણાવ્યું છે.
મહિલાના કહેવા મુજબ તેના પતિ અને સાસરીવાળાઓએ તેને જાનથી મારી નાખવાની ધમકી આપી હતી. કથિત રીતે જાે તે દહેજ ના લાવી શકે તો છૂટાછેડા આપી દેવાનું પણ કહ્યું હતું. હાલ તો પોલીસે આ મામલે ઘરેલુ હિંસા, અપશબ્દો બોલવા, હાનિ પહોંચાડવી, ગુનાહિત ધાકધમકી, શારીરિક પજવણી અને દુષ્પ્રેરણાનો કેસ મહિલાના પતિ અને તેના પરિવારના બે સભ્યો સામે દાખલ કર્યો છે.

Follow Me:

Related Posts