fbpx
ગુજરાત

અમદાવાદઃ ૭૪ વર્ષના કોરોનાગ્રસ્ત દાદીને ૩ ફેક્ચર હોવા છતા ડોક્ટર્સે ત્રણ દિવસમાં કર્યા સાજા

રાજ્યમાં કોરોના વાયરસે માજા મૂકી છે. ગઈકાલે ૪૫૦૦ કેસ નોંધાતા ગુજરાત હાલ આ કોરોના વાયરસના અજગર ભરડામાં આવી ગયું છે. દિનપ્રતિદિન લોકો સંક્રમિત થઈ રહ્યા છે અને તેમની સારવાર દુષ્કર થઈ રહી છે. ઠેરઠેર ઑક્સીજન ખૂટી પડ્યા તો ક્યાંક ખાટલા ખૂટી પડ્યા છે. જાેકે, તેમ છતાં તબીબો હિમ્મત નથી હાર્યા ન તો મેદાન છોડ્યું છે. તબીબોની ‘અડીખમ સેવા’ના કારણે જ દર્દીઓનાં સ્વજનો ‘મક્કમ’ રહી શક્યા છે. જેટલા બિમાર થયા છે તેમાં મોટાભાગના દર્દીઓ સાજા થઈને જલ્દી ઘરે આવી રહ્યા છે. આવામાં એક ભાવનાત્મક કિસ્સો અને માનવતાની મિસાલ અમદાવાદની સિવિલમાંથી સામે આવી છે. અહીંયા એક વૃદ્ધાને બે પગે અને એક હાથમાં ફ્રેક્ચર હતું અને તેવામાં તેઓ કોરોના સંક્રમિત થયા હતા. જાેકે, તેમની સારવાર કેટલી સુંદર રીતે થઈ જે બાબતની આપવીતી ખુદ તેમના પુત્રએ જણાવી હતી.

રાજ્યમાં કોરોના કહેર વરસાવી રહ્યો છે, ત્યારે આ વચ્ચે અમદાવાદ સિવિલ હોસ્પિટલમાંથી તબીબોની સંવેદનશીલતા દર્શાવતો કિસ્સો સામે આવ્યો છે. જેમાં અજયભાઈ ઠક્કર સિવિલ હોસ્પિટલના મંજુશ્રી કંપાઉન્ડ સ્થિત કોરોના ડેડિકેટેડ હોસ્પિટલમાં પોતાની માતા રમીલાબેન ઠક્કરને કોરોના સારવાર માટે દાખલ કર્યા બાદનો અનુભવ વર્ણવતા કહે છે કે, ‘સરકાર શ્રેષ્ઠ કામગીરી કરી રહી છે. સિવિલ હોસ્પિટલમાં મારી માતાને શ્રેષ્ઠ સારવાર મળી અને જે સુવિધાઓ આપી તેનાથી મને સંતોષ છે.

સિવિલના તબીબો દ્વારા સંવેદનશીલ અભિગમ દાખવીને પારકાને પોતાના સમજી સારવાર કરવામાં આવી રહી છે. તેમણે જણાવ્યું કે, મારી માતાને બે પગે અને જમણા હાથે ફ્રેક્ચર હતું અને ઓક્સિજનનું લેવલ ૬૫ એ પહોંચી ગયું હતું. સ્થિતિ ગંભીર હતી. વેન્ટિલેટર પર રાખવા પડ્યા હતા. પણ હવે તેમની સ્થિતિ સારી છે. સિવિલ હોસ્પિટલના તબીબોએ મારી માતાને પોતાની માતાની જેમ સાચવ્યા.’
અજયભાઈ ઠક્કર પાસે માતાએ ભોજનની માગણી કરી, ત્યારે તેમણે ડૉ.રાકેશ જાેશીને વાત કરી. ત્યારે તેમણે અજયભાઈને આરોગ્યની સ્થિતિ સમજાવી અને અજયભાઈને સાંત્વના આપી કે તમારી માતાને હું મારી માતાની જેમ જ સાચવીશ. ડૉ. રાકેશ જાેશીએ પુત્રવત સેવા પણ કરી અને રમીલાબહેન ફક્ત ત્રણ દિવસની સારવારમાં અકલ્પનીય પરિણામ મળ્યુ અને તેમની તબીયતમાં સુધાર આવ્યો. જેને કારણે જ આપણે તબીબોને દેવદૂત માનીએ છીએ.આવા અનેક વિરલા સિવિલમાં રાત-દિવસ જાેયા વિના કામ કરી રહ્યા છે. આ તબક્કે આપણી નૈતિક ફરજ છે કે તેમનો જુસ્સો વધારીએ.

google.com, pub-3877344041668511, DIRECT, f08c47fec0942fa0
Follow Me:

Related Posts

google.com, pub-3877344041668511, DIRECT, f08c47fec0942fa0