અમદાવાદના થલતેજમાં નવી ડિઝાઈન સાથેનો બ્રિજ ૪ મહિનામાં ખુલ્લો મુકાશે
અમદાવાદ શહેર જેમ-જેમ મોટું થઈ રહ્યું છે તેમ-તેમ તેમાં પરિવર્તન આવી રહ્યા છે. આવામાં શહેરમાં બ્રિજ નિર્માણની કામગીરીઓ પર ચાલી રહી છે જેમાં સોલામાં આવેલા સીમ્સ હોસ્પિટલ પાસે ચાર લેનનો રેલવે ઓવરબ્રિજની કામગીરી પૂરજાેશમાં ચાલી રહી છે. રવિવારે અહીં ૫૯ કરોડના ખર્ચે નિર્માણ પામી રહેલા રેલવે ઓવરબ્રિજ પર અનોખું નિર્માણ કાર્ય જાેવા મળ્યું, જેમાં ૩૯૨ ટન ઓપન વેબ સ્ટીલને ગોઠવવાની કામગીરી કરવામાં આવી હતી.
અમદાવાદ મ્યુનિસિપલ કોર્પોરેશન મુજબ આગામી ૪ મહિનામાં આ બ્રિજના નિર્માણની કામગીરી પૂર્ણ થશે અને તેને પ્રજા માટે ખુલ્લો મૂકવામાં આવશે.૬૭૩ મીટર લાંબા બ્રિજનું નિર્માણ કાર્ય થલતેજમાં અમદાવાદ-વિરમગામ બ્રોડ ગેજ લાઈન પર ૧૦૦ ફૂટ હેબતપુર રોડ પર કરવામાં આવી રહ્યું છે.
રેલવે લાઈનની બન્ને બાજુનું ૯૦% જેટલું બ્રિજ નિર્માણનું કાર્ય પૂર્ણ થઈ ગયું છે. આ બ્રિજ માટેની ડિઝાઈન ૈંૈં્ મુંબઈ અને રેલવેની ડિઝાઈન એજન્સી આરઆઇટીઇએસ દ્વારા મંજૂરી કરાઈ છે.
એએમસી અધિકારીઓ દ્વારા જણાવવામાં આવ્યું કે આ કામ માટે રેલવે દ્વારા ૮૨ દિવસના વર્ક-પ્લાનમાં સાથ સહકાર આપવામાં આવી રહ્યો છે, જેમાં તેમણે ટ્રેનના આવા-ગમનનો સમય પણ એડજસ્ટ કર્યો છે. એએમસી અધિકારી આ અંગે જણાવે છે કે, “ઘણી વખત એવું થાય છે કે રેલવેની ઉપર બ્રિજ બનાવવામાં વર્ષો નીકળી જતા હોય છે, જેમાં જાેડાયેલી એજન્સીઓ અને ડિઝાઈન અંગેના મતભેદને લીધે સમય લાગતો હોય છે. પરંતુ અહીં તૈયાર કરાયેલા બ્રિજમાં કુશળ રીતે કામગીરી કરાઈ છે જેને આગામી ઓવરબ્રિજના નિર્માણ દરમિયાન પણ એક મૉડલ તરીકે રજૂ કરી શકાશે.
Recent Comments