એલઆરડી ભરતી માટે યુવાનોને રૂપેશ મકવાણાએ ટિપ્સ આપી
દોડમાં હંમેશા ત્રણ ફેક્ટર કામ કરે છે. પહેલું સ્ટેમિના, બીજાે સ્ટ્રેન્થ એટલે પગમાં પાવર અને ત્રીજાે ઝડપ. સૌ સૌપ્રથમ આપને આપના સ્ટેમીના પર કાર્ય કરવાનું હોય છે, જેમાં પહેલા દિવસે પોતાની ક્ષમતા પ્રમાણે દોડવાનું હોય છે. ત્યારબાદ ધીરે-ધીરે બે-ત્રણ મિનિટ વધારતા ૫૦ મિનિટ સુધી એક સાથે દોડવાનું છે. જાે તમે ધીરે-ધીરે બે-ત્રણ મિનિટ વધારતા જશો તો તમને ખબર પણ નહીં પડે તમે ૫૦ મિનિટ સુધી દોડતા થઈ જશો અને જ્યારે ૫૦ મિનીટ દોડતા થઈ ગયા ત્યારે તમે પહેલું પગથિયું પાર કરી દીધું છે, એટલે કે તમે તમારો સ્ટેમિના બનાવી લીધો છે. તેઓ કહે છે, ત્યારબાદ પગને મજબૂત કરવાની કસરતો અને તેની સાથે દોડવામાં ઝડપ આવે તેવા વર્કઆઉટ કરવાના હોય છે. જેમ કે પગની કસરત માટે હાફ સ્ક્વોડ, જમ્પિંગ જેક્સ, સ્કિપિંગ, લોન્ચિસ, અને પગનું સ્ટ્રેચિંગ જે ખૂબ જ જરૂરી છે અને ત્યારબાદ અનુભવી કોચ દ્વારા તમે ઝડપ માટે શિડયુલ લઈને તેમની સલાહ પ્રમાણે દોડવામાં આવે તો તમે પાંચ કિલોમીટર ૨૦થી ૨૨ મિનિટમાં દોડી શકો છો. ઝડપ માટે તમે પુનરાવર્તન વર્કઆઉટ, સ્લો ફાસ્ટ વર્ક-આઉટ કરવામાં આવે તો ચોક્કસપણે તમારો સમય ઓછો થઈ શકે છે.
જ રૂપેશ મકવાણા ઉમેર્યું કે, ઘણીવાર લોકો દોડતા સમયે પેટમાં દુઃખાવાની ફરિયાદ કરતા હોય છે. આવી સ્થિતિમાં તેમણે હાથની હથેળીમાં અંગૂઠો રાખીને મુઠ્ઠી વાળીને દોડવું જાેઈએ. બે મિનિટમાં જ તેમની પેટમાં દુઃખાવાની ફરિયાદ દૂર થઈ જશે. સાથે જ દોડતા પહેલા વધારે પ્રમાણમાં પાણી ન પીવું જાેઈએ. આમ કરવાથી પટેમાં પાણીના હલનચલનથી પણ પેટમાં દુઃખાવાની ફરિયાદ રહે છે.ગુજરાત પોલીસમાં લોકરક્ષક કેડરમાં ૧૦,૪૫૯ જેટલી જગ્યાઓ માટે ભરતી બહાર પડી છે. આ ભરતી માટે ૯.૫૦ લાખ જેટલા ઉમેદવારો છે જેઓની ડિસેમ્બર મહિનામાં શારીરિક દોડની પરીક્ષા યોજાવાની છે. પુરૂષ ઉમેદવારોએ ૨૫ મિનિટમાં ૫ કિલોમીટર (૫૦૦૦ મીટર) અને મહિલા ઉમેદવારોએ ૧૬૦૦ મીટર ૯.૩૦ મિનિટમાં દોડવાનું છે. રાજયના લાખો યુવાઓ અત્યારે દોડની પ્રેક્ટિસ કરી રહ્યાં છે, ત્યારે શારીરિક દોડમાં પાસ થવા અને વધુ જલ્દી કઈ રીતે દોડ પુરી કરી અને વધુ માર્કસ મેળવવા તે અંગે સાથે વાત કરતા રૂપેશ મકવાણા કહે છે,
રનિંગ શરૂ કરીએ તો સૌથી પહેલા ઈજા ન થાય તેના માટે ધ્યાન રાખવું. સૌથી પહેલા પગ પછાડીને ન દોડવું જાેઈએ. જાે પગની પાની પહેલા પછડાશે તો ઘૂંટણ પર ભાર આવશે અને જાે તેનો પ્રોબ્લેમ થયો તો ભવિષ્યમાં પણ દોડી ન શકાય તેવી સ્થિતિ સર્જાય, એટલે પગ ન પછડાય તેનું ધ્યાન રાખવું. રનિંગ પહેલા સૌથી પહેલા વોર્મ અપ, સ્ટ્રેચિંગ, એક્સરસાઈઝ કરો, આ નહીં કરો તો મસલ્સમાં ઈજા થવાની શક્યતા વધી જાય છે. ઘણા લોકો મેદાન પર આવીને દોડવાનું શરૂ કરી દેતા હોય છે. તમે બાઈક કે એક્ટિવા પર આવો ત્યારે મસલ્સ ટાઈટ હોય છે અને સીધું દોડવાનું શરૂ કરવાથી તે તૂટવાનો ભય રહે છે. એટલે સૌથી પહેલા વોકિંગના બે રાઉન્ડ કરવા, પછી સ્ટ્રેચિંગ કરવું. આમ કરવાથી મસલ્સ સ્ટ્રેચ થશે. જાે રનિંગ કરો છો તો તેની સાથે પણ થોડો સમય જાેઈએ એટલે તે દરમિયાન દરેકે ઓછામાં ઓછી છથી સાત કલાકની ઊંઘ લેશો તો જ તમારું બોડી રિલેક્સ થશે.
Recent Comments