fbpx
રાષ્ટ્રીય

રોકાણકારોને ખોટી માહિતી આપ્યાનો આરોપએચડીએફસી બેંક સામે અમેરિકાની લો ફર્મ કેસ કરવાની તૈયારીમા

અમેરિકાની શેલ લો ફર્મ અને રોઝેન લો ફર્મે ભારતની ખાનગી ક્ષેત્રની સૌથી મોટી બેંક એચડીએફસી બેંક સામે આક્ષેપ કર્યો છે કે તેણે રોકાણકારોને ખોટી માહિતી આપી છે. હવે આ બંને લો ફર્મ્સ રોકાણકારો તરફથી એચડીએફસી બેંક વિરુદ્ધ સિક્્યુરિટી ક્લાસ એક્શન ફાઈલ કરવા અંગે વિચારી રહી છે.
આ બંને અમેરિકન લો ફમ્ર્સે એચડીએફસી બેંક પર રોકાણકારોને મહત્વપૂર્ણ માહિતી ન આપી હોવાનો આરોપ મુક્્યો છે. ફર્મ્સના કહેવા મુજબ બેન્કે વ્હીકલ લોનની તપાસ, આરબીઆઇને લોન આપ્યાની જાણકારી આપવામાં મોડું કર્યું તેમજ ઓછા નેટ પ્રોફિટ અંગે રોકાણકારોને માહિતગાર કર્યા ન હતા. લો ફમ્ર્સે આ ત્રણેય જાણકારી ઉપર સવાલ ઉભા કર્યા છે.
એક રિપોર્ટ મુજબ, આ મામલે એચડીએફસી બેન્કનું કહેવું છે કે તેને આ બાબતની કોઈ જાણકારી નથી. બેન્કે જણાવ્યું કે, અમને પણ આ અંગે મીડિયા રિપોર્ટથી જ માહિતી મળી છે. અમે આ બાબતની તપાસ કરીશું અને યોગ્ય જવાબ આપીશું. પ્રાથમિક સ્તરે, આ તુચ્છ લાગે છે કારણ કે અમે તમામ પ્રકારની માહિતીમાં સંપૂર્ણ પારદર્શિતા રાખી રહ્યા છીએ.

Follow Me:

Related Posts