પશ્ચિમ બંગાળમાં લોકડાઉન: શાળા, કોલેજ બંધ

પશ્ચિમ બંગાળ રાજ્યની તમામ શાળાઓ, કોલેજાે અને યુનિવર્સિટીઓ બંધ રહેશે. આ સંસ્થાઓમાં કર્મચારીઓને માત્ર વહીવટી કામ માટે ૫૦ ટકા ક્ષમતા સાથે કામ કરવાની મંજૂરી આપવામાં આવશે. યુકેથી આવતી તમામ ફ્લાઇટ્‌સ અસ્થાયી રૂપે સ્થગિત કરવામાં આવશે. ‘દ્વારે સરકાર’ ને લગતા તમામ કાર્યક્રમો મુલતવી રાખવામાં આવ્યા છે અને તે ૧ ફેબ્રુઆરીથી ફરી શરૂ કરવામાં આવશે. સ્વિમિંગ પુલ, સ્પા, જીમ, બ્યુટી પાર્લર, સલૂન અને વેલનેસ સેન્ટર બંધ રહેશે.

લગ્ન સમારોહમાં ૫૦ થી વધુ લોકોને હાજરી આપવાની મંજૂરી આપવામાં આવશે નહીં અને અંતિમ સંસ્કારમાં ફક્ત ૨૦ લોકોને જ આવવાની મંજૂરી આપવામાં આવશે. રાજ્યના આરોગ્ય વિભાગના જણાવ્યા અનુસાર, શનિવારે પશ્ચિમ બંગાળમાં કોવિડ-૧૯ના ૪૫૧૨ નવા કેસ નોંધાયા હતા, જ્યારે શુક્રવારે તેમની સંખ્યા ૧૦૬૧ હતી. કોલકાતામાં કોરોના સંક્રમણના ૨૩૯૮ નવા કેસ મળી આવ્યા છે. મુખ્ય સચિવ એચકે દ્વિવેદીએ રવિવારે એક પ્રેસ કોન્ફરન્સમાં જાહેરાત કરી હતી કે રાજ્યમાં ૧૫ જાન્યુઆરી સુધી રાત્રે ૧૦ વાગ્યાથી સવારે ૫ વાગ્યાની વચ્ચે માત્ર આવશ્યક સેવાઓને જ મંજૂરી આપવામાં આવશે.

પશ્ચિમ બંગાળમાં, છેલ્લા સાત દિવસમાં કોરોના વાયરસના ચેપના કેસોમાં ૧૨ ગણા વધારા વચ્ચે રાજ્ય સરકારે નિયંત્રણો લાદવાનું શરૂ કર્યું છે. રાજ્યના આરોગ્ય વિભાગના જણાવ્યા અનુસાર, રવિવારે પશ્ચિમ બંગાળમાં ચેપના ૬,૧૫૩ નવા કેસ નોંધાયા હતા. મુખ્ય સચિવે કહ્યું, “કાલથી તમામ શાળાઓ, કોલેજાે અને યુનિવર્સિટીઓમાં શૈક્ષણિક પ્રવૃત્તિઓ બંધ રહેશે. ૫૦ ટકા ક્ષમતા સાથે માત્ર વહીવટી પ્રવૃત્તિઓને મંજૂરી આપવામાં આવશે. તેમણે કહ્યું કે બોર્ડની પરીક્ષા અંગેનો ર્નિણય સંબંધિત બોર્ડ લેશે.પશ્ચિમ બંગાળ લોકડાઉનમાં કોરોનાવાયરસ ચેપના વધતા જતા કેસોને કારણે, રાજ્ય સરકારે ફરીથી કોવિડ -૧૯ સંબંધિત કડક નિયંત્રણો લાગુ કર્યા છે. પ્રેસ કોન્ફરન્સમાં રાજ્યમાં લાગુ કરાયેલા નવા નિયમો વિશે માહિતી આપતા મુખ્ય સચિવ એચકે દ્વિવેદીએ જણાવ્યું હતું કે આ તમામ નિયંત્રણો ૩ જાન્યુઆરીથી ૧૫ જાન્યુઆરી સુધી લાગુ રહેશે.

ચેપના કેસોમાં ભારે વધારાને કારણે, તમામ શૈક્ષણિક સંસ્થાઓને બંધ કરવાના આદેશો સાથે કોવિડ સંબંધિત નિયંત્રણો ફરીથી લાદવામાં આવ્યા છે અને સોમવારથી ઓફિસોમાં કર્મચારીઓની હાજરી ૫૦ ટકા સુધી મર્યાદિત કરી દેવામાં આવી છે. ઉપરાંત, મુંબઈ અને નવી દિલ્હીની ફ્લાઈટ્‌સ અઠવાડિયામાં માત્ર બે વાર (સોમવાર અને શુક્રવાર) ચાલશે. મુખ્ય સચિવ એચકે દ્વિવેદીએ જણાવ્યું હતું કે બિન-જાેખમ શ્રેણીના દેશોમાંથી આવતા મુસાફરો માટે ઝડપી એન્ટિજેન પરીક્ષણ ફરજિયાત રહેશે, જ્યારે આ મુસાફરોમાંથી ૧૦ ટકા માટે આરટી-પીસીઆર પરીક્ષણ પણ કરવામાં આવશે. ૫ જાન્યુઆરીથી, મુંબઈ અને નવી દિલ્હીથી અઠવાડિયામાં માત્ર બે વાર સોમવાર અને શુક્રવારે ફ્લાઈટ્‌સને મંજૂરી આપવામાં આવશે. જ્યારે બ્રિટનથી કોઈપણ ફ્લાઈટને આવવા દેવામાં આવી નથી.