પાકિસ્તાનમાં ૩ મહિનામાં ચુંટણી યોજવી મુશ્કેલ:પાક. ચુંટણી પંચ
પાકિસ્તાનમાં રાજકીય ઉથલપાથલ વધુ તીવ્ર બની છે. અહીં અવિશ્વાસ પ્રસ્તાવ દ્વારા વડા પ્રધાન ખાનને હટાવવાના વિપક્ષના પ્રયાસને ઉપરાષ્ટ્રપતિ સૂરીએ ફગાવી દીધા પછી સુપ્રીમ કોર્ટે આ મામલે હસ્તક્ષેપ કર્યો હતો. વિપક્ષે ડેપ્યુટી સ્પીકરના ર્નિણયને બંધારણનું ઉલ્લંઘન ગણાવ્યું અને કહ્યું કે તેને સુપ્રીમ કોર્ટમાં પડકારી શકાય છે. કોર્ટનો ર્નિણય રાષ્ટ્રપતિના નેશનલ એસેમ્બલીને ભંગ કરવાના આદેશની માન્યતા પણ નક્કી કરશે. અવિશ્વાસની દરખાસ્ત ફગાવી દેવામાં આવ્યા બાદ વડાપ્રધાન ઈમરાન ખાને રાષ્ટ્રપતિને સંસદ ભંગ કરીને નવેસરથી ચૂંટણી કરાવવાની સલાહ આપી હતી.
એવું કહેવામાં આવ્યું હતું કે જાે ર્નિણય ખાનની તરફેણમાં આવે છે, તો ૯૦ દિવસમાં ચૂંટણી યોજવામાં આવશે. જાે કે ચૂંટણી પંચે આ વાતને નકારી કાઢી છે. નિષ્ણાતોએ કહ્યું કે જાે કોર્ટ ડેપ્યુટી સ્પીકર વિરુદ્ધ ર્નિણય કરશે તો સંસદનું સત્ર ફરીથી બોલાવવામાં આવશે અને ખાન વિરુદ્ધ અવિશ્વાસ પ્રસ્તાવ લાવવામાં આવશે. એક પ્રેસ કોન્ફરન્સમાં પાકિસ્તાન મુસ્લિમ લીગ-નવાઝના નેતા શાહબાઝ શરીફે વડાપ્રધાન ખાન પર બંધારણનું ઉલ્લંઘન કરવાનો અને દેશમાં માર્શલ લો લાદવાનો આરોપ લગાવ્યો હતો. પાકિસ્તાન પીપલ્સ પાર્ટી (પીપીપી)ના અધ્યક્ષ બિલાવલ ભુટ્ટો ઝરદારીએ મુખ્ય ન્યાયાધીશને ર્નિણય કરવા માટે પૂર્ણ અદાલતની બેન્ચની રચના કરવા વિનંતી કરી.
તેમણે કહ્યું, “અવિશ્વાસ પ્રસ્તાવ વડાપ્રધાનને હટાવવાનો લોકશાહી માર્ગ છે અને અમે બંધારણની રક્ષા કરવાનું ચાલુ રાખીશું.”પાકિસ્તાનના ચૂંટણી પંચે વિવિધ કાયદાકીય અવરોધો અને પ્રક્રિયાગત પડકારોને ટાંકીને ત્રણ મહિનામાં સામાન્ય ચૂંટણીઓ કરાવવામાં અસમર્થતા દર્શાવી છે. કમિશનના એક વરિષ્ઠ અધિકારીએ કહ્યું કે સામાન્ય ચૂંટણીની તૈયારીમાં લગભગ છ મહિનાનો સમય લાગશે. તેમણે કહ્યું કે મતવિસ્તારોનું નવું સીમાંકન, ખાસ કરીને ખૈબર પખ્તુનખ્વામાં, જ્યાં ૨૬મા સુધારા હેઠળ સીટોની સંખ્યામાં વધારો કરવામાં આવ્યો હતો, અને જિલ્લા અને મતવિસ્તારો અનુસાર મતદાર યાદીને અનુરૂપ બનાવવા એ મુખ્ય પડકારો છે.
Recent Comments