પાકિસ્તાનમાં ઇમરાનખાન પર હુમલા બાદ લોકો ભડક્યા, ગૃહમંત્રીના ઘરની બહાર પ્રદર્શન

પાકિસ્તાનની શહબાજ શરીર સરકાર વિરૂદ્ધ લાહોરથી ઇસ્લામાબાદ સુધી હકીકી માર્ચ નિકાળી રહેલા પૂર્વ પીએમ ઇમરાન ખાન પર ગુરૂવારે વજીરાબાદમાં થયેલી રેલીમાં ફાયરિંગ થયું. આ ઘટનામાં ઇમરાન ખાન સહિત ૬ લોકો ઘાયલ થયા અને એક વ્યક્તિનું મોત થયું છે. પોલીસે ગોળીબારીના આરોપમાં એક વ્યક્તિની ધરપકડ કરી છે. પોલીસ તેની પાસે ફાયરિંગનો હેતુ અને તેના સંગઠન વિશે જાણવાનો પ્રયત્ન કરી રહી છે. ઇમરાન ખાનને લાહોરના શૌકત ખાનમ હોસ્પિટલમાં દાખલ કરાવવામાં આવ્યા છે. સૂત્રોના જણાવ્યા અનુસાર તેમને ૩-૪ ગોળીઓ વાગી છે. હકીકી આઝાદી મોરચા પર એકે ૪૭ થી ફાયરિંગ કર્યું હતું. ઇમરાન ખાન પર થયેલા હુમલાના વિરોધમાં પાકિસ્તાનના ઘણા શહેરોમાં પ્રદર્શન શરૂ થઇ ગયા છે. તેમના સમર્થકોએ રાવલપિંડીમાં બ્લોક કરી દીધા છે તો બીજી તરફ કરાંચી અને ક્વેટામાં પણ લોકો રસ્તા પર ઉતરી આવ્યા છે. ફવાદ ચૌધરીએ ટ્‌વીટ કર્યું- ઇમરાન ખાન હાલ ઓપરેશન થિયેટરમાં છે, અલ્લાહ તેમની રક્ષા કરો, આવતીકાલે લાહોરમાં એક વરિષ્ઠ નેતૃત્વની બેઠક બોલાવવામાં અવી છે.

માર્ચ ચાલુ રહેશે. ચૂંટણીની જાહેરાત થાય ત્યાં સુધી લોકોના અધિકારો માટે આ આંદોલનો ચાલુ રહેશે. પીટીઆઇ નેતા અસદ ઉમરે નિવેદન નોંધાવ્યું છે કે ઇમરાન ખાને કહ્યું કે મને મારવાનો પ્રયત્ન કર્યો, જવાબદારી શાહબાજ શરીફ, રાણા સનાઉલ્લાહ અને મેજર જનરલ ર્નિણય સુલ્તાન પાસે છે. પાકિસ્તાની મીડિયાના અનુસાર પૂર્વ પીએમ ઇમરાન ખાન પંજાબ પ્રાંતના વજીરાબાદ વિસ્તારમાં સમર્થકોની ટુકડી સાથે ઇસ્લામાબાદ તરફથી આગળ વધી રહ્યા હતા. થોડા સમય બાદ તે પોતાના સમર્થકોને સંબોધિત કરવાના હતા. જફર અલી ખાન ચોક પાસે લગભગ ૩૫ વર્ષના એક યુવકે પિસ્તોલ વડે ફાયરિંગ શરૂ કરી દીધું. સમર્થકોનું કહેવું છે કે જે કંટેનરમાં ઇમરાન ખાન સવાર હતા, તેને નિશાનો બનાવીને હુમલાવરે ગોળીઓ તાકી. આ ઘટનામાં ઇમરાન ખાન સહિત ૬ લોકો ઇજાગ્રસ્ત થયા. હુમલો થતાં જ હકીકી માર્ચમાં દોડધામ મચી ગઇ અને સમર્થક આમ તેમ ભાગવા લાગ્યા. ભાગદોડનો ફાયદો ઉઠાવી હુમલાવર ત્યાંથી ભાગી ગયો. જાેકે પછી પોલીસે તેને દબોચી લીધો. તો બીજી તરફ ઘટનાના તાત્કાલિક બાદ ઇમરાન ખાનને બુલેટ પ્રૂફ કાર દ્વારા ત્યાંથી નિકાળવામાં આવ્યા. તેમના જમણા પગમાં મલમપટ્ટી બાંધી હોવાનો ફોટો વાયરલ થયો છે. પાકિસ્તાની પોલીસ આ ઘટનાના તાર જાેડવા અને બાકી હુમલાવરોને પણ અરેસ્ટ કરવાનો પ્રયત્ન કરી રહી છે.