fbpx
સૌરાષ્ટ - કચ્છ

રાજકોટ: માસ્ક બાબતે પત્નીની પોલીસ સાથે રકઝક, પતિએ પત્નીને મારી દીધો લાફો

કોરોના વાયરસના કેસો વધતાં સરકાર દ્વારા અમદાવાદ, વડોદરા, રાજકોટ અને સુરતમાં રાત્રિ કર્ફ્યુ લાદવામાં આવ્યું છે. કર્ફ્યુ દરમિયાન બહાર નીકળેલા લોકો સામે પોલીસ દ્વારા કડક કાર્યવાહી કરવાાં આવી રહી છે, ત્યારે રાજકોટનો વીડિયો વાયરલ થયો છે. જેમાં પોલીસ કર્ફ્યુમાં નીકળેલ દંપતીને રોકે છે અને પત્નીએ માસ્ક ન પહેર્યું હોવાને લીધે દંડ ભરવા કહે છે.

આ મામલે પત્ની પોલીસ સાથે તકરાર કરે છે. જ્યારે પતિ તેની પત્ની સમજાવવા પ્રયાસ કરે છે. છતાં પત્ની માનતી નથી. છેવટે ગુસ્સે ભરાયેલો પતિ તેની પત્નીને લાફો મારે છે. હાલ આ વીડિયો વાયરલ થઇ રહ્યો છે. રાજકોટમાં શુક્રવારની રાત્રે શહેરના એ ડિવિઝન પોલીસ સ્ટેશન વિસ્તારમાં આવેલ ત્રિકોણબાગ પાસે એક દંપતિ ટુ વ્હીલ લઈને રાત્રી કર્ફ્યુ માં બહાર નીકળ્યું હોય તેઓ એક વિડીયો સોશિયલ મીડિયામાં વાયરલ થઇ રહ્યો છે. વાયરલ થયેલો વીડિયો કુલ ત્રણ મિનિટ અને નવ સેકન્ડનો છે. વાયરલ થયેલા વીડિયો સ્પષ્ટપણે જોઇ શકાય છે કે બાઇકચાલકે મોઢા ઉપર રૂમાલ બાંધ્યો છે, જ્યારે તેની પાછળ બેસેલી પત્નીએ માસ્ક પહેર્યો ન હતો. મહિલા પોલીસ દ્વારા દંપતીને રોકવામાં આવે છે. બાઇકચાલકની પાછળ બેઠેલી તેની પત્નીએ માસ્ક ન પહેર્યા બાબતે પોલીસ દંડ ભરવાનું જણાવે છે. જે બાદ પત્ની પોલીસ સાથે માથાકૂટ કરવા લાગે છે. મહિલા વીડિયોમાં કહે છે કે મારી પાસે દુપટ્ટો કે એવું કંઈ નથી. તો કેમ બાંધવું. પૈસા થોડા મફત આવે છે તો આપણે હજાર રૂપિયા આપી દઈ. આ સાથે જ પોલીસને સભ્યતાથી વાત કરવા પણ કહ્યું હતું. પતિએ કહ્યું કે, કર્ફ્યૂ છે એ લોકો સાચા છે. તું શાંતિ રાખ. જે બાદ પતિ-પત્ની વચ્ચે ઝઘડો શરૂ થઈ ગયો હતો. જેમાં ઉશ્કેરાયેલા પતિએ તેની પત્નીને પોલીસની સામે જ લાફો મારી દીધો હતો.

Follow Me:

Related Posts