નખત્રાણા પાસે એસટી બસ-ટ્રક વચ્ચે અકસ્માતઃ બેના કમકમાટીભર્યા મોત

કચ્છના નખત્રાણા પાસે એસટી-બસ અને ટ્રક વચ્ચે ગંભીર અકસ્માત સર્જાતા બે લોકોના કમકમાટીભર્યા મોત થયા છે. જ્યારે ૬ લોકો ઈજાગ્રસ્ત થયા હોવાનું જાણવા મળ્યું છે. પ્રાપ્ત માહિતી પ્રમાણે આ ઘટના શનિવાર વહેલી સવારની છે. અકસ્માતની જાણ કરાતા પોલીસ અને એમ્બ્યુલન્સ ઘટનાસ્થળે પહોંચી હતી અને મૃતદેહો અને ઈજાગ્રસ્તોને સારવાર માટે હોસ્પિટલ ખસેડવામાં આવ્યા હતા.

મીડિયા રિપોર્ટ મુજબ આ અકસ્માત વહેલી સવારે ૩ વાગ્યાની આસપાસ બન્યો હતો. નખત્રાણા નજીક રતડિયા ફાટક પાસે હિંમતનગરથી માતાના મઢ આવી રહેલી એસટી બસ અને સામેથી આવતી ટ્રક સામસામે અથડાતા અકસ્માત સર્જાયો હતો. આ ટક્કરમાં એસટી બસ અને ટ્રક બંનેના ડ્રાઈવરના કમકમાટીભર્યા મોત થયા છે. મૃતકોમાં બસના ડ્રાઈવર જશવંતસિંહ કેસરીસિંહ ઝાલા (૩૭) હોવાનું સામે મળ્યું છે.
અહેવાલો અનુસાર ગંભીર અકસ્માતમાં બેના મોત જ્યારે ૬ જેટલા લોકોને ગંભીર ઈજા થતાં સારવાર માટે નખત્રાણા ખાતે હોસ્પિટલ ખસેડવામાં આવ્યા છે. જ્યારે વધુ ગંભીર રીતે ઘાયલ ઈજાગ્રસ્તોને વધુ સારવાર માટે ભૂજ ખસેડવાની કાર્યવાહી હાથ ધરવામાં આવી હતી.

નખત્રાણામાં થયેલા બસ અને ટ્રક વચ્ચે થયેલા ગંભીર અકસ્માતની તસવીરો પણ સામે આવી છે. જેમાં ટ્રકનો આગળનો ભાગ ચીમડાઈ ગયો છે. જ્યારે બસનો ડ્રાઈવર સાઈડનો ભાગ ચીરાઈ ગયો હતો. આ દ્રશ્યો જાેઈને અંદાજાે લગાવી શકાય છે કે બંને વાહન વચ્ચે કેટલી જાેરદાર ટક્કર થઈ હશે. હાલ સમગ્ર ઘટના અંગે સ્થાનિક પોલીસે ગુનો નોંધીને આગળની વધુ કાર્યવાહી હાથ ધરી છે.