રાજકોટમાં તસ્કરો બેફામઃ બે ATM માંથી ૧૫ લાખથી વધુની ચોરી કરી ફરાર
કોરોનાની મહામારીમાં રાજકોટમાં રાત્રિ કફ્ર્યૂ ચાલી રહ્યું છે. ત્યારે રાત્રે પોલીસ કફ્ર્યૂના નામે મીંડુ હોય તેવો ઘાટ જાેવા મળ્યો છે. રાત્રિ કફ્ર્યૂમાં પોલીસે બહાર નીકળનાર લોકોની પૂછપરછ કરવાની હોય છે અને તેની વિરૂદ્ધ યોગ્ય કાર્યવાહી કરવાની હોય છે. પરંતુ રાત્રિ કફ્ર્યૂમાં જ તસ્કરોને મોકળું મેદાન મળ્યું હોય તેમ રોજ ચોરીના બનાવ સામે આવી રહ્યાં છે. શહેરમાં ગત રાત્રે બે બેંકના એટીએમ તૂટ્યા હતા. ચોરી કરતા પહેલા તસ્કરોએ બેંકના સીસીટીવી પર કાળો સ્પ્રે માર્યો હતા. જેમાં એકમાંથી ૧૨ લાખ અને બીજામાંથી સાડા ત્રણ લાખની ચોરી થઈ છે.
શહેરના જામનગર રોડ પર નાગેશ્વર સોસાયટીમાં ત્રાટકેલા તસ્કરોએ અલગ અલગ બે બેંકના એટીએમ ગેસ કટરથી કાપીને એકમાંથી ૧૨ લાખની રોકડ અને બીજામાંથી સાડા ત્રણ લાખની રોકડ ચોરી જતાં બેંકના અધિકારીઓમાં દોડધામ મચી ગઇ છે. ગાંધીગ્રામ પીઆઇ કે. એ. વાળા, પીએસઆઇ જે. જી. રાણા, હીરાભાઇ રબારી અને ડી. સ્ટાફની ટીમો તથા ક્રાઇમ બ્રાંચની ટીમોએ પહોંચી તપાસ શરૂ કરી છે.
વહેલી સવારે એટીએમના સીસીટીવી કેમેરા પર કાળો સ્પ્રે મારી દીધા બાદ ગેસ કટરથી બંને એટીએમને કાપીને ચોરી કરવામાં આવી હતી. જેમાં એક્સિસ બેંકમાંથી ૧૨ લાખ રૂપિયા અને સેન્ટ્રલ બેંકના એટીએમમાંથી સાડા ત્રણ લાખ રૂપિયાની ચોરી થઇ છે. પોલીસે સીસીટીવી ફૂટેજ મેળવવા અને આરોપીઓને શોધી કાઢવા કાર્યવાહી હાથ ધરી છે.
Recent Comments