મંદિર પરિસરમાં રીલ બનાવી અપલોડ કરતાં હિન્દુ સંગઠન ભડક્યું

આજકાલ યુવાનોને સોશિયલ મીડિયા પર હાઇલાઇટ્‌સ અને લાઇક્સ મેળવવાનો ક્રેઝ ખૂબ જ વધી રહ્યો છે. ફેમસ થવા માટે યુવક-યુવતીઓ રસ્તાઓ, સરકારી ઈમારતો અને ધાર્મિક સ્થળોને પણ છોડતાં નથી. શુક્રવારે ફરી એકવાર આવી જ એક છોકરીનો વીડિયો સોશિયલ મીડિયા પર સામે આવ્યો છે. વીડિયોમાં યુવતી બોલિવૂડના ગીત પર વલ્ગર ડાન્સ સ્ટેપ્સ કરતી જાેવા મળી રહી છે. આ આખો મામલો મધ્યપ્રદેશના સતના જિલ્લામાં સ્થિત સૌથી જૂના વેંક્ટેશ મંદિરનો છે. અહીં મંદિર પરિસરમાં અશ્લીલ ગીતોની રીલ બનાવીને લોકોની આસ્થા સાથે ખુલ્લેઆમ છેડછાડ કરવામાં આવી છે. બે છોકરી બોલિવૂડ ગીત ‘બાબૂજી જરા ધીરે ચલો…’ પર ડાન્સ કરતી જાેવા મળે છે.

હવે આ બંને યુવતીનો ડાન્સ વીડિયો સોશિયલ મીડિયામાં વાઇરલ થઈ રહ્યો છે. આ વીડિયો વાઇરલ થયા બાદ સામાજિક લોકોએ તેની નિંદા કરી છે, સાથે જ હિંદુ સંગઠને આને આસ્થા સાથે છેડછાડ ગણાવી છે અને કાર્યવાહીની માગ કરી છે. તેમણે કહ્યું હતું કે આ હરકતથી શ્રદ્ધાળુઓની ભાવનાઓને ઠેસ પહોંચી છે. યુવતીએ તેના ઈન્સ્ટાગ્રામ એકાઉન્ટમાં ડાન્સ રીલ પણ પોસ્ટ કરી છે. હવે સોશિયલ મીડિયા પર વાઇરલ થયા બાદ ધર્મપ્રેમી લોકોએ વીડિયો ડિલિટ કરવાની અને માફી માગવાની સલાહ આપી છે. વિશ્વ હિન્દુ પરિષદના જિલ્લામંત્રી લવકેશ ગર્ગે કહ્યું હતું કે સોશિયલ મીડિયા પર રીલ બનાવવાનો ક્રેઝ છે.

પોતાને પ્રખ્યાત કરવા માટે ધાર્મિક સ્થળોએ રીલ બનાવવી એ નિમ્ન વિચારધારા છે અને શરમજનક પણ છે. જાે આવા અભદ્ર ગીતના વીડિયો દિવસે ને દિવસે આવતા રહે તો સમાજમાં ખોટો સંદેશ જાય છે. આ ઉપરાંત આપણી ધાર્મિક લાગણીઓને પણ આનાથી ઠેસ પહોંચે છે. આવા મામલાઓમાં વહીવટીતંત્રે સંજ્ઞાન લેવું જાેઈએ અને પગલાં લેવા જાેઈએ તેમજ આવાં ધાર્મિક સ્થળો પર રીલ બનાવવા પર પ્રતિબંધ લાદવો જાેઈએ. મહાકાલ મંદિર પરિસરમાં વીડિયો રીલ્સ બનાવવાને લઈને ફરી એકવાર વિવાદ ઊભો થયો છે. હકીકતમાં ગર્ભગૃહ અને મંદિર પરિસરમાં બે યુવતીએ જલાભિષેક અને ડાન્સનો વીડિયો શૂટ કર્યો છે. આ વીડિયો બોલિવૂડના સોન્ગ સાથે સોશિયલ મીડિયા પર અપલોડ કરવામાં આવ્યા હતા, જેના પર મંદિરના પૂજારીએ વાંધો ઉઠાવ્યો છે. આ સમગ્ર મામલે કલેક્ટરે તપાસ બાદ કાર્યવાહી કરવાની વાત કરી છે.