પરવીન બાબીની બાયોપિકમાં જાેવા મળશે ઉર્વશી રાઉતેલા

કાન્સ ફેસ્ટિવલ દરમિયાન રૂ.૨૭૬ કરોડનો નેકલેસ પહેરીને છવાઈ ગયેલી ઉર્વશી રાઉતેલાએ થોડા સમય પહેલા મુંબઈ ખાતે રૂ.૧૯૦ કરોડનો બંગલો ખરીદ્યો હતો. જીવનમાં સફળતાના શિખરો સર કરી રહેલી ઉર્વશીને બોલિવૂડમાંથી પણ સારા સમાચાર મળ્યા હતા. વીતેલા જમાનાનાં દિગ્ગજ અભિનેત્રી પરવીન બાબીની બાયોપિક બનવાની છે, જેમાં લીડ રોલ માટે ઉર્વશી ફાઈનલ થઈ છે. ઉર્વશીએ સોશિયલ મીડિયા પર પોસ્ટ શેર કરીને પોતે ગર્વ અનુભવતી હોવાનું જણાવ્યું છે. આ ઉપરાંત પરવીન બાબીનો અને પોતાનો ફોટોગ્રાફ શેર કર્યો છે. બોલિવૂડમાં પાછલા કેટલાક સમયથી બાયોપિકનો પવન ચાલી રહ્યો છે. અત્યાર સુધી ઘણાં સ્ટાર્સ બાયોપિકમાં કામ કરી ચૂક્યા છે. હવે આ યાદીમાં ઉર્વશીનું નામ પણ જાેડાયું છે. ઉર્વશીએએ પોસ્ટમાં જણાવ્યું હતું કે, આ ફિલ્મમાં પરવીન બાબીની ફિલ્મી કરિયરની સાથે પર્સનલ લાઈફ અંગે પણ વાત કરવામાં આવશે. તેમના સોનેરી સમયને રૂપેરી પડદે રજૂ કરવામાં આવશે. ઉર્વશીએ પોતાની પોસ્ટમાં સ્વીકાર્યું હતું કે, પરવાની બાબીના કિસ્સામાં બોલિવૂડ નિષ્ફળ રહ્યું છે, પરંતુ હું આપને (પરવીન બાબીને) ગર્વ અનુભવ કરાવીશ. ઓમ નમઃ શિવાય. ખરેખર આ નવી સફર જાદુઈ છે.