અંકિતા લોખંડે સ્પષ્ટ નહિં પણ જણાવ્યું કે ટુંક જ સમયમાં એક પરિવાર કરવા માંગે છે

અંકિતા અને વિક્કીએ ગયા વર્ષે એટલે કે વર્ષ ૨૦૨૦માં સગાઈ કરી હતી. અંકિતા ગોવામાં તેની બેચલર પાર્ટી એન્જાેય કરવા જઈ રહી છે. આ પછી તે ૧૨ ડિસેમ્બરે મુંબઈની ગ્રાન્ડ હયાત હોટેલમાં વિક્કી સાથે સાત ફેરા લેશે. બંનેએ મહેમાનો માટે કેટલાક રૂમ પણ બુક કરાવ્યા છે. ટૂંક સમયમાં બધાને લગ્નના આમંત્રણો મોકલવામાં આવશે.અંકિતા લોખંડે અને વિક્કી જૈન લાંબા સમયથી સાથે છે. બંનેએ હંમેશા એકબીજા માટે પોતાના પ્રેમને ખુલ્લેઆમ વ્યક્ત કર્યો છે અને હવે સમાચાર આવી રહ્યા છે કે બંને તેમના સંબંધોને એક પગલું આગળ લઈ જવા માંગે છે. અંકિતા લોખંડે છેલ્લા કેટલાક દિવસોથી તેના લગ્નના સમાચારને કારણે ચર્ચામાં છે. કહેવામાં આવી રહ્યું છે કે અંકિતા આવતા મહિને તેના બોયફ્રેન્ડ વિક્કી જૈન સાથે લગ્ન કરવા જઈ રહી છે. લગ્નના સમાચાર પર હવે અંકિતાની પ્રતિક્રિયા સામે આવી છે. અંકિતાએ સ્પષ્ટ નથી કર્યું કે તે ક્યારે લગ્ન કરી રહી છે. જાે કે તેણે ચોક્કસપણે કહ્યું કે તે લગ્નને લઈને ખૂબ જ ઉત્સાહિત છે અને ટૂંક સમયમાં એક પરિવાર કરવા માંગે છે.

અંકિતાએ વધુમાં કહ્યું હતું કે, આ ભારતીય પરંપરાઓ છે. અહીં માત્ર છોકરો અને છોકરીના જ લગ્ન નથી થતા, પરંતુ ૨ પરિવારો પણ મળે છે. મને તે ગમે છે અને જાે મને આ સુંદર વસ્તુ કરવાનો મોકો મળશે તો હું ચોક્કસ કરીશ. તો શું તમને હવે આ તક મળી રહી છે? આના પર અંકિતાએ કહ્યું, હું ચોક્કસપણે લગ્ન કરવા માંગુ છું અને એક દિવસ તે ચોક્કસ થશે. મારે પત્ની બનીને કુટુંબ શરૂ કરવું છે. અંકિતા આવતા મહિને એટલે કે ડિસેમ્બરના મધ્યમાં વિક્કી સાથે લગ્ન કરી શકે છે. જ્યારે અંકિતાને આ વિશે પૂછવામાં આવ્યું તો તેણે કહ્યું કે, હું લગ્ન વિશે કે મારા અંગત જીવન વિશે વાત કરવા માંગતી નથી. તમને જણાવી દઈએ કે અંકિતા અને વિક્કી વર્ષ ૨૦૧૭થી સાથે છે. સુશાંત સિંહ રાજપૂત સાથેના બ્રેકઅપ બાદ અંકિતા ખૂબ જ ભાંગી પડી હતી. પરંતુ વિક્કીના જીવનમાં આવ્યા બાદ તેના જીવનમાં ખુશીઓ પાછી આવી ગઈ હતી. અંકિતાએ સત્તાવાર રીતે વિક્કી સાથેના સંબંધોને સ્વીકારી લીધા છે. તે તેની સાથે વેકેશન અને ડેટ પર જતી રહે છે. આ સાથે જ અંકિતા સોશિયલ મીડિયા પર વિક્કી સાથેના રોમેન્ટિક ફોટા પણ શેર કરતી રહે છે.