અનુબંધમ વેબ પોર્ટલના માધ્યમથી આઇ.ટી.આઇ અમરેલી ખાતે તા.૦૫ માર્ચના રોજ ભરતી મેળો યોજાશે

અમરેલી જિલ્લા રોજગાર કચેરી દ્વારા નિયમિત અનુબંધમ વેબ પોર્ટલના માધ્યમથી ભરતી મેળાનું આયોજન કરવામાં આવે છે. ખાનગી ક્ષેત્રના અગ્રગણ્ય એકમ સીનોવા ગીયર્સ એન્ડ ટ્રાન્સમિશન પ્રા.લી. પીપલીયા રાજકોટ માટે ૧૮ થી ૪૫ વર્ષની વયમર્યાદા તેમજ ખાલી જગ્યાઓને અનુરૂપ ધો-૧૨ પાસ, ડિપ્લોમાં, આઇ.ટી.આઇ તમામ ટ્રેડની તકનીકી લાયકાત તેમજ ક્વેસ કોર્પ લી. (ટાટા મોટર્સ) સાણંદ માટે ૧૮ થી ૨૩ વર્ષની વયમર્યાદા તેમ જ ખાલી જગ્યાઓને અનુરૂપ ધો-૧૨ પાસ, આઇ.ટી.આઇ ૦૨ વર્ષ ટ્રેડ તકનીકી લાયકાત ધરાવનાર માટે  તા.૦૫ માર્ચ,૨૦૨૪ને મંગળવારના રોજ સવારે ૧૧ વાગ્યે અનુબંધમ વેબ પોર્ટલના માધ્યમથી આઈ.ટી.આઇ, લાઠી રોડ, અમરેલી ખાતે ભરતીમેળો યોજાશે.

અનુબંધમ પોર્ટલ  http://anubandhan.gujarat.gov.in/account/signup પર આધાર કાર્ડ, શૈક્ષણિક લાયકાતના દસ્તાવેજો સાથે જોબ સીકર તરીકે નોંધણી કરાવવી ફરજિયાત છે. નોંધણી થયા બાદ પોર્ટલ પર લોગ ઇન કરીને પોર્ટલ પર જોબ ફેરના મેનુમાં ક્લિક કરી જરુરી વિગત ભર્યા બાદ જોબ ફેરમાં ભાગ લઈ શકશે. વધુ માહિતી અને માર્ગદર્શન માટે કચેરી સમય દરમિયાન જિલ્લા રોજગાર વિનિમય કચેરી, રાજમહેલ કમ્પાઉન્ડ, જિલ્લા સેવા સદન-૨, બહુમાળી ભવન, સી-બ્લોક, પહેલો માળ, કલેકટર કચેરી સામેની બાજુ, રાજમહેલ કંપાઉન્ડ,  અમરેલી પિન નં.૩૬૫૬૦૧નો સંપર્ક કરવા અમરેલી જિલ્લા રોજગાર અધિકારીશ્રીએ એક યાદીમાં જણાવ્યું છે.