અમદાવાદમાં પેટ્રોલ પંપ પર હથિયારો સાથે આવેલા ૪ લોકોએ રોકડ રકમ અને મોબાઈલની લૂંટ ચલાવીપોલીસે ચારેય લુટારુંઓને એક પીસ્ટલ સાથે ઝડપી પાડ્યા

સ્માર્ટ સિટીની ગણતરીમાં આવતું અમદાવાદ શહેર હવે સેફ નથી રહ્યું છે. હજી એક દિવસ પહેલા જ અમદાવાદમાં સનસનીખેજ લૂંટ વિથ ગેંગરેપનો કિસ્સો બન્યો હતો. ત્યારે તેના ગણતરીના કલાકો બાદ અમદાવાદમાં લૂંટનો બનાવ બન્યો છે, એ પણ પોશ વિસ્તારમાં. વાહનોની અવરજવર ધરાવતા અમદાવાદના પોશ વિસ્તાર આનંદ નગરના પેટ્રોલ પંપ પર મોડી રાતે લૂંટારુઓ ત્રાટક્યા હતા, જાેકે, અમદાવાદ પોલીસે ગણતરીની કલાકમાં જ એક પિસ્ટલ સાથે ચારેય લૂંટારાને પકડી પાડ્યા છે. પ્રાપ્ત માહિતી અનુસાર, અમદાવાદમાં લુંટનો સનસનીખેજ બનાવ બન્યો છે.

અમદાવાદના પશ્ચિમમાં આવેલ આનંદનગર રોડ પર શેલ પેટ્રોલ પંપમાં લૂંટનો બનાવ બન્યો છે. મોડી રાતે હથિયાર સાથે ૪ લૂંટારુઓ પેટ્રોલ પંપ પર ત્રાટક્યા હતા અને લુંટ મચાવી હતી. ગત મોડી રાત્રે લૂંટારુઓએ લૂંટ કરી હતી. લૂંટારુંઓએ હથિયાર બતાવી રોકડ રકમ અને મોબાઈલની લૂંટ ચલાવીને ફરાર થઈ ગયા હતા. જાેકે, આ બાબતે તાત્કાલિક પોલીસને જાણ કરાઈ હતી. આનંદનગરના બે પોલીસ કર્મચારીઓને જાણ થતા તાત્કાલિક ઘટના સ્થળે પહોંચી ગયા હતા. જેના બાદ ૪ લુટારુંઓને એક પીસ્ટલ સાથે ઝડપી પાડ્યા છે.