અમદાવાદમાં મ્યુકોરમાઇકોસિસના ઇન્જેક્શનના બહાને ગઠિયો ૧.૨૫ લાખ પડાવી ગયો

કોવિડની સારવારમાં વપરાતા રેમડેસિવિયર ઈન્જેક્શન બાદ હવે મ્યુકોરમાઈકોસિસના ઈન્જેક્શનની અછતે પણ માઝા મૂકી છે. જેના કારણે મ્યુકોરના ઈન્જેક્શનની કાળાબજારી પણ વધી ગઈ છે. તાજેતરમાં પાલનપુરમાં આ ગંભીર બીમારીથી પિડાતા પિતા માટે અમદાવાદ ઈન્જેક્શન લેવા આવેલા પુત્ર સાથે ૫.૮૦ લાખની છેતરપિંડીની નારણપુરા પોલીસ સ્ટેશનમાં ફરિયાદ નોંધાઈ છે. મ્યુકોરના ઈન્જેક્શન ૧૫ મિનિટમાં લઈને આવું છું કહીને ગઠિયો ૫.૮૦ લાખ રૂપિયાને લઈને ફરાર થઈ ગયો હતો.
પાલનપુરમાં કોલેજ કમ્પાઉન્ડ ખાતે રહેતા પ્રવીરભાઈ ગુપ્તા (૩૦) ફરસાણાની દુકાર ધરાવી વેપાર કરે છે. ૨૨મી એપ્રિલના રોજ તેમના પિતાજીને કોરોના થતાં સ્થાનિક હોસ્પિટલમાં દાખલ કરાવ્યા હતા. જ્યાં સારવાર બાદ ૧ મેના રોજ તેમનો ડિસ્ચાર્જ આપવામાં આવ્યો હતો. જાે કે, સાજા થયા બાદ પણ તેમને તકલીફ હોવાથી તપાસ કરાવતા મ્યુકોરમાઈકોસિસની અસર હોવાનું સામે આવ્યું હતું.

ત્યારબાદ ડોક્ટરે તેમને મ્યુકોરની સારવારમાં ઉપયોગી લિપોસોમલ એમ્ફોટેરેસિનના ૪૦ નાયલ લખી આપ્યા હતા પરંતુ પાલનુપરમાં ન મળતા હોવાથી પિતાને અમદાવાદની સિવિલ હોસ્પિટલ દાખલ કરાવ્યા હતા અને ત્યારબાદ નરોડા ખાતેની ગુજરાત હોસ્પિટલમાં નાકના બ્લેક ફંગસનું ઓપરેશન કરાવ્યું હતું. ડોક્ટરે હોસ્પિટલનો કોર્સ કર્યા બાદ ઈન્જેક્શનનો ૨૧ દિવસનો કોર્સ પૂરો કરવા જણાવ્યું હતું. પરંતુ ઈન્જેક્શન ન મળતા હોવાથી તેમને સગા મારફતે ઓઢવ ખાતે રહેતા અરૂણ રાવલ પાસેથી ઈન્જેક્શન મળી શકે તેમ કહીને નંબર આવ્યો હતો.
પ્રવીરભાઈએ અરૂણ રાવલ સાથે વાત કરતા તેઓ ૨૩મી મેના રોજ મળવા નારણપુરા અંકુર ચાર રસ્તા પાસે મળવા આવ્યા હતા. એક ઈન્જેક્શનના ૧૨૦૦૦ લેખે ૫૦ નંગના ૬ લાખ આપવાનું કહ્યું હતું. ત્યારબાદ તેઓ તેમના મિત્ર હરવિંદરસિંગને સાથે લઈ આવ્યા હતા. અંકુર મળવા આવેલા અરુણભાઈએ તેમને જીતુભાઈ ભરવાડ સાથે મુલાકાત કરાવી હતી તથા ડો. ધર્મેશભાઈ મિસ્ત્રીના મિત્ર હોવાનું જણાવ્યું હતું. ત્યારબાદ જીતુ ભરવાડ ૫.૮૦ લાખ લઈને ઈન્જેક્શન લઈને ૧૫ મિનિટમાં પરત આવવાનું તથા બાકીને ૨૦ હજાર ઈન્જેક્શન આપ્યા બાદ આપવાના તેમ કહીને જતો રહ્યો હતો.

સાંજે ચાર વાગ્યા સુધી રાહ જાેવા છતાંય જીતુ ભરવાડ ઈન્જેક્શન લઈને પરત ન આવતા પ્રવીરભાઈ, અરૂણભાઈ, ડો. ધર્મેશ તથા હરવિંદરસિંગ જીતુ ભરવાડના ઘરે ગયા હતા. જાે કે, જીતુ ઘરે હાજર ન હતો પરંતુ તેની પત્નીએ ઘરની બહાર આવી રોકડા એક લાખ પરત કરવાની સાથે ૫ લાખના બે ચેક આપ્યા હતા. હાલ સમગ્ર ઘટનામાં જીતુ ભરવાડે છેતરપિંડી આચરી હોવાનું જણાતા નારણપુરા પોલીસે વધુ તપાસ હાથ ધરી છે.