અમદાવાદ ખાતેની અલ્ટેવોલ એલેકઝા‍ન્ડર વાસ્કે ટેનીસ યુનિવર્સિટીમાં વિદેશી કોચ દ્વારા પસંદગી કેમ્પ : વિનામૂલ્યે તાલીમ પણ અપાશે

સ્પોર્ટ્સ ઓથોરીટી ઓફ ગુજરાત અને અલ્ટેવોલ એલેકઝા‍ન્ડર વાસ્કે ટેનીસ યુનિવર્સીટી અમદાવાદ ખાતે ટેનીસ રમતનું બિન-નિવાસી કે‍ન્દ્ર શરૂ કરવા માટે એમ.ઓ.યુ. કરવામાં આવ્યું આવશે. જે અનુસંધાને શુકન-૬ સાય‍ન્સ સીટી રોડ, સોલા, અમદાવાદ ખાતે કાર્યરત અલ્ટેવોલ એલેકઝા‍ન્ડર વાસ્કે ટેનીસ યુનિવર્સિટી ખાતે ૧૦ થી ૧૪ વર્ષના ટેનીસ રમતના ખેલાડી ભાઈઓ અને બહેનોની પસંદગી વિદેશી કોચ દ્વારા વિના મુલ્યે તલીમ આપવામા આવશે. તા ૨૫/ ૧૧/૨૦૨૪ થી તા ૬/૧૨/૨૦૨૪ સુધી સવારે ૧૦ કલાકથી પસંદગી પ્રક્રિયા હાથ ધરવામાં આવશે. રસ ધરાવતા તમામ ટેનીસ રમતના ખેલાડીઓએ તા.૨૪/૧૧/૨૦૨૪ સુધીમાં રજીસ્ટ્રેશન કરાવી, જરૂરી પ્રમાણપત્રો (જન્મનો પુરાવો, ટેનીસ રમતની સ્પર્ધામાં મેળવેલ સિદ્ધિઓના પ્રમાણપત્રો, GSTA Ranking , AlTA Ranking, lTF Ranking ના પ્રમાણપત્ર) સાથે હાજર રહેવાનું રહેશે. આ માટે રજીસ્ટ્રેશન અલ્ટેવોલ એલેકઝા‍ન્ડર વાસ્કે ટેનીસ યુનિવર્સિટી – ૯૯૭૮૯૭૧૯૧૯ અને ઇ-મેઈલ આઇડી info@altevol.com સંપર્ક કરવો. તેમ જિલ્લા રમત વિકાસ અધિકારીશ્રીની એક યાદીમાં જણાવવામાં આવ્યું છે.