અમરેલી ખાતે જિલ્લાકક્ષાનો ચિલ્ડ્રન પેઈન્ટિંગ વર્કશોપ યોજાયો

રમત ગમત વિભાગ દ્વારા આઝાદીનાં ૭૫ વર્ષ અંતર્ગત આઝાદી કા અમૃત મહોત્સવ કાર્યક્રમ અન્વયે રાષ્ટ્રીય એકતા દિવસની થીમ પર ધોરણ ૬ થી ૧૦ના વિદ્યાર્થીઓ માટે ચિલ્ડ્રન પેઈન્ટિંગ વર્કશોપનું ૨૫ ઓક્ટોબરથી ૨૯ ઓક્ટોબર એમ પાંચ દિવસ દરમિયાન આયોજન કરવામાં આવ્યું હતું. આ કાર્યક્રમમાં જિલ્લા શિક્ષણાધિકારી કચેરીના શિક્ષણ નિરિક્ષકશ્રી ઘનશ્યામભાઈ સોલંકી, જિલ્લા યુવા વિકાસ અધિકારીશ્રી વી.બી.પરમાર, કે.કે.પારેખ હાઈસ્કૂલના આચાર્યશ્રી વિપુલ ભાઈ વ્યાસ તથા પ્રાથમિક શાળાનાં આચાર્યશ્રી ભગીરથસિંહ જાડેજા તથા શૈક્ષણિક સંઘનાં પ્રતિનિધિ તુલસીભાઈ મકવાણા તથા તજજ્ઞશ્રી બટુકભાઈ મેતલિયા તથા અન્ય મહાનુભાવોએ દરેક વિદ્યાર્થીઓને પ્રમાણપત્રોનું વિતરણ કર્યું હતું. કાર્યક્રમને સફળ બનાવવા રમત ગમત કચેરીનાં સ્ટાફ મિત્રોએ ભારે જહેમત ઉઠાવી હતી.