અમરેલી જિલ્લામાં ચૂંટણી સંબંધિત વિવિધ સમિતિઓમાં ફરજ બજાવનારા અધિકારીઓની તાલીમ યોજાઈ

રાજ્યમાં યોજનાર આગામી વિધાનસભાની સામાન્ય ચૂંટણી અંતર્ગત, જિલ્લા ચૂંટણી તંત્ર દ્વારા વિવિધ સમિતિમા ફરજ બજાવનારા તેમજ ચૂંટણીમાં ફરજ બજાવનારા અધિકારીશ્રીઓની તાલીમનું આયોજન કરવામાં આવ્યું હતું, આ તાલીમમાં ૯૪ ધારી,૯૭ સાવરકુંડલા, ૯૮-રાજુલા, ૯૫-અમરેલી, ૯૬-લાઠી વિધાનસભાના કર્મચારી અધિકારીશ્રીઓને તાલિમ આપવામાં આવી હતી, શાંતા બા મેડિકલ કૉલેજના સભા ગૃહમાં યોજાયેલી તાલિમશાળામા સ્ટેટિક સર્વેલન્સ ટીમ, ફ્લાઈંગ સર્વેલન્સ ટીમ, વીડિયો જોવાની ટીમ, વીડિયો સર્વેલન્સ ટીમ, એકાઉન્ટિંગ ટીમના કર્મચારીઓ-અધિકારીશ્રીઓને માસ્ટર ટ્રેઈનર્સ દ્વારા તાલિમ આપવામાં આવી હતી. આ કાર્યશાળામા દરમિયાન જિલ્લા ચૂંટણી અધિકારીશ્રી અને કલેક્ટરશ્રી, નાયબ જિલ્લા ચૂંટણી અધિકારીશ્રી, જિલ્લા ગ્રામ વિકાસ એજન્સી નિયામકશ્રી, જિલ્લા પુરવઠા અધિકારીશ્રી અને પ્રાંત અધિકારીશ્રીઓ સહિતના વિવિધ કામગીરીના નોડલ અધિકારીશ્રીઓ દ્વારા ચૂંટણીલક્ષી વિવિધ વિષયો પર માર્ગદર્શન આપ્યું હતું.