અમરેલી જિલ્લા રોજગાર કચેરી દ્વારા તા.૧૪મીએ મહિલા ઉમેદવારો માટે ભરતી મેળો યોજાશે

અમરેલી જિલ્લા રોજગાર કચેરી દ્વારા આગામી તા.૧૪ જુલાઈ, ૨૦૨૨ને ગુરુવારના રોજ સવારે ૧૧ વાગ્યે જિલ્લા રોજગાર કચેરી, પ્રથમ માળ,સી-બ્લોક,બહુમાળી ભવન અમરેલી ખાતે ડિજિટલ રોજગાર ભરતી મેળો યોજાશે. આ ડિજિટલ રોજગાર ભરતી મેળામાં ભાગ લેવા માટે ધો.૮ પાસ મહિલા ઉમેદવારો ભાગ લઈ શકશે. આઈક્યામેટ એચ.આર.પ્રા.લી. ગાંધીનગરની ભરતી માટે શૈક્ષણિક લાયકાત ઉપરાંત ઉમેદવારોની વયમર્યાદા ૨૦ થી ૩૫ વર્ષની રાખવામાં આવી છે. આ રોજગાર ભરતી મેળામાં ભાગ લેવા માટે આધારકાર્ડ તેમજ શૈક્ષણિક લાયકાતના તમામ દસ્તાવેજો સાથે અનુબંધમ વેબપોર્ટલ https://anubandham.gujarat.gov.in/account/signup  પર જોબ સીકર તરીકે નોંધણી કરાવી પોર્ટલ પર લોગ ઈન કરી જોબ મેનુમાં ક્લિક કરી જરૂરી વિગતો ભરવાની રહેશે. વિગત ભર્યા બાદ જ જોબફેરમાં ભાગ લઈ શકાશે. વધુ માહિતી અને માર્ગદર્શન માટે કચેરી સમય દરમિયાન જિલ્લા રોજગાર વિનિમય કચેરી,અમરેલીના કોલસેન્ટર નં.૬૩૫૭૩૯૦૩૯૦ પર સંપર્ક કરવો, તેમ જિલ્લા રોજગાર અધિકારીશ્રીની એક યાદીમાં જણાવવામાં આવ્યું છે.