અમરેલી લોહાણા સમાજના પ્રમુખ જીતુભાઈ સોમૈયા  (ગોળવાળા) ના જન્મદિવસની અનોખી ઉજવણી કરવામાં આવી 

એકદમ સરળ સ્વભાવ અને મિલનસાર વ્યક્તિત્વ એવા  રોટરી ક્લબ અમરેલીના પ્રમુખ તેમજ લોહાણા સમાજ અમરેલીના પ્રમુખશ્રી જીતુભાઈ સોમૈયા (ગોળવાળા)ના  જન્મદિવસની ઉજવણી પોતાના વતન સાવરકુંડલા ખાતે નિશુ:લ્ક ચાલતી હોસ્પિટલ “શ્રી લલ્લુભાઈ શેઠ આરોગ્ય મંદિર” હોસ્પિટલ ખાતે હોસ્પિટલના દરેક દર્દીઓને  ફ્રૂટનુ વિતરણ કરવામાં આવ્યું તેમજ સાવરકુંડલા ખાતે વૃદ્ધો માટે બનાવેલ “ગિરધરઘર” વૃદ્ધાશ્રમના દરેક વૃદ્ધોને પણ ફ્રુટ વિતરણ કરવામાં આવ્યું.

આ સમયે હાજર રહેલ રોટરી ક્લબ ઓફ અમરેલીના મેમ્બર્સ સેક્રેટરી જગદીશભાઈ સેલાણી, એ. ડી. રૂપારેલ સાહેબ, ડો. પી. પી. પંચાલ સાહેબ, સતિષભાઈ આડતિયા, વિનુભાઈ રતનધાયરા, ચંદ્રેશભાઇ ધોળકિયા,

સંજયભાઈ ચોકસી, કિરણભાઈ નાંઢા, અષ્ટકાંતભાઈ સૂચક, નુતન કેળવણી મંડળના મેનેજિંગ ટ્રસ્ટી જયંતીભાઈ વાટલીયા તેમજ શ્રી વિદ્યાગુરુ ફાઉન્ડેશનના સેક્રેટરી તથા ટ્રસ્ટી શ્રી પ્રોફેસર દિવ્યકાંતભાઈ સૂચક તેમજ હોસ્પિટલનું એડમિનિસ્ટ્રેશન કરતાં ડો. પ્રકાશભાઈ કટારીયા સાહેબે આખી હોસ્પિટલમાં કઈ રીતે એક પણ રૂપીયો લીધા વગર દરેક દર્દીઓની સારવાર થાય છે દવા પણ હોસ્પિટલમાંથી જ ફ્રી આપવામાં આવે છે તેમની જાણકારી આપી તેમ જ હોસ્પિટલનુ મેનેજમેન્ટ, સ્વચ્છતા તેમજ  જ્યાં બધા ડોક્ટરનું, દર્દીઓનું અને તેમના સગા વ્હાલાને એક સરખું નિશુ:લ્ક ભોજન આપવાની વ્યવસ્થા જોઈને જીતુભાઈ સાથે આવેલ મિત્રવર્તુળ ભારે પ્રભાવિત થયું હતું. આવી જ રીતે સમાજના શ્રેષ્ઠીઓ પોતાનો જન્મદિવસ આવી સેવાકીય અને માનવતાના સિધ્ધાંતો પર કાર્ય કરતી સંસ્થાઓ વચ્ચે જઈને ઉજવે તો સેવાકીય ક્ષેત્રે પણ એક નવો ચીલો પ્રસ્થાપિત થાય તે નિર્વિવાદ છે.