અમારી છે પ્રેમની દુકાન અને તેમની છે નફરતની બજાર : રાહુલ ગાંધી ઝારખંડમાં કહ્યું

કોંગ્રેસ નેતા રાહુલ ગાંધી ઝારખંડમાં ચૂંટણી પ્રચારને સંબોધવા માટે ગોડ્ડા પહોંચ્યા હતા. જ્યાં તેમણે કહ્યું કે કોંગ્રેસ પાર્ટી બંધારણને બચાવવા માટે કામ કરી રહી છે. ભાજપ અને આરએસએસ બંધારણને નષ્ટ કરવાનો પ્રયાસ કરી રહ્યા છે. ભાજપ પર કટાક્ષ કરતા કોંગ્રેસ નેતાએ કહ્યું કે, અમે મોદીજીથી ડરતા નથી, ૫૬ ઇંચની છાતી, મન કી બાત, અમે આ વસ્તુઓથી ડરતા નથી. નરેન્દ્ર મોદી અરબ પતિ જે કહે તે કરે છે.

મોદીજી તમને તેમના વિચારો જણાવશે અને પછી અંબાણીજીના લગ્નમાં જશે. મોદીજીએ ગરીબોના ૧૬ લાખ કરોડ રૂપિયા છીનવીને અમીરોને માફ કરી દીધા છે.
રાહુલ ગાંધીએ કહ્યું કે, મહારાષ્ટ્રમાં અમારી સરકાર હતી, અમારી સરકાર અદાણીજીને મદદ કરવા માટે પડી ગઈ હતી. તમે જેટલો ય્જી્‌ ચૂકવો છો તેટલો જ ય્જી્‌ અદાણી ચૂકવે છે. રાહુલ ગાંધીએ જનતાને પૂછ્યું કે તમે કોણ છો અને પછી કહ્યું કે, ૧૫ ટકા તમે દલિત છો, ૮ ટકા તમે આદિવાસી છો, ૫૦ ટકા તમે પછાત વર્ગ છો, ૧૫ ટકા તમે લઘુમતી છો. બધું એકસાથે ઉમેરો અને તે ૯૦ ટકા થઈ જશે. રાહુલ ગાંધીએ કહ્યું, જાે દલિત, આદિવાસી, પછાત વર્ગનો સમાવેશ કરવામાં આવે તો તમારી વસ્તી ૫૦ ટકા છે પરંતુ ભાગીદારી ૫ રૂપિયા છે. એટલા માટે મેં કહ્યું છે કે દિલ્હી અને ઝારખંડમાં જાતિ ગણતરી થશે.

જાતિ ગણતરી અંગે રાહુલ ગાંધીએ કહ્યું કે, મોદીજી કહે છે કે હું પછાત વર્ગનું સન્માન કરું છું અને પછી તેઓ તેમને ભૂખ્યા કરે છે. જાતિ ગણતરીથી દૂધનું દૂધ અને પાણીનું પાણી થઈ જશે. આપણે શોધીશું કે કયા દેશમાં કયા વર્ગના કેટલા લોકો છે અને પછી દરેક ક્ષેત્રમાં કયા વર્ગના કેટલા લોકો છે તે શોધીશું. તેમણે એમ પણ કહ્યું કે, આ દેશની કેટલી સંપત્તિ કયા વર્ગના હાથમાં છે તે જાણીશું. તે દિવસ પછી એક નવું રાજકારણ શરૂ થશે. કોંગ્રેસ સરકાર તમને દેશની જાતિ ગણતરી બતાવશે. અમે ૫૦ ટકા અનામતની આ દિવાલ તોડી નાખીશું.

ઝારખંડમાં ભાજપે પછાત વર્ગનું અનામત ૨૭ ટકાથી ઘટાડીને ૧૪ ટકા કર્યું હતું. તમારી જમીન છીનવાઈ ગઈ. નોટબંધીએ તમને બેરોજગાર બનાવી દીધા છે. રાહુલ ગાંધીએ કહ્યું કે ઝારખંડમાં અમે નક્કી કર્યું છે કે એસટી માટે આરક્ષણ ૨૬ થી ૨૮ ટકા, એસટી માટે ૧૦ થી ૧૨ ટકા અને પછાત વર્ગ માટે ૧૪ થી ૨૭ ટકા સુધી રહેશે. રાહુલ ગાંધીએ કહ્યું, અમારું પહેલું કામ દર મહિને ૨૦૦૦ રૂપિયા સીધા મહિલાઓના બેંક ખાતામાં જમા કરાવવાનું રહેશે. ગેસ સિલિન્ડરની કિંમત ૪૫૦ રૂપિયા હશે. દરેક ગરીબને દર મહિને ૭ કિલો રાશન મળશે. ખેડૂતો માટે ડાંગરની સ્જીઁ ૩૨૦૦ રૂપિયા પ્રતિ ક્વિન્ટલ હશે.

રાહુલ ગાંધીએ કહ્યું, અમે ૧૫ લાખ રૂપિયા સુધીની સ્વાસ્થ્ય વીમા યોજના લાવી રહ્યા છીએ. અમે તમારું રક્ષણ કરવા માંગીએ છીએ અને અમે ઈચ્છીએ છીએ કે આ દેશ દરેક માટે હોય. તેમણે કહ્યું કે, મોદીજીએ બેરોજગારોને લાઈન લગાવી દીધા છે. ય્જી્‌નો ફાયદો અબજાેપતિઓને. નોટબંધીએ તમામ નાના વેપારીઓનો નાશ કર્યો. એટલા માટે ઝારખંડ સરકાર આગામી ૫ વર્ષમાં ૧૦ લાખ યુવાનોને રોજગાર આપવાનો પૂરો પ્રયાસ કરશે. રાહુલ ગાંધીએ કહ્યું, અમારી છે પ્રેમની દુકાન અને તેમની છે નફરતની બજાર. અમે બતાવ્યું કે પ્રેમથી અમે ભાજપના પૈસા અને તેમની હિંસા કાપી શકીએ છીએ. તમે કોંગ્રેસ પાર્ટીના કાર્યકર અને અમારી કરોડરજ્જુ છો.