અયોધ્યામાં યોગી આદિત્યનાથનું મંદિર બની ગયું, રોજ પૂજા-અર્ચના પણ થાય છે

દક્ષિણ ભારતના લોકો ફિલ્મ કલાકારોથી ખુબ પ્રભાવિત રહેતા હોય છે અને તેમના માનીતા કલાકારોના મંદિર બનાવી દેતા હોય છે. ઉત્તર પ્રદેશના અયોધ્યામાં રામ મંદિરનું નિર્માણ ચાલું છે, પણ તે પહેલાં એક ભક્તે UPના મુખ્યમંત્રી યોગી આદિત્યનાથનું મંદિર બનાવી દીધું છે અને પૂજા- આરતી કરીને પ્રસાદ પણ ચઢાવે છે.  યોગીનું મંદિર બનાવનાર ભક્તનું કહેવું છે કે યોગીએ લોક કલ્યાણના એવા કામો કર્યા છે એટલે તે મારા મતે ભગવાન સમાન છે. આ મંદિર એવી જગ્યાએ બનાવવામાં આવ્યું છે જયા ભગવાન રામના ભાઇ ભરતે સિંહાસન સ્થાપ્યું હતું.

અયોધ્યામાં ભરતકુંડ પાસે મૌર્ય કા પુરવા ગામમાં સીએમ યોગી આદિત્યનાથના નામે એક મંદિર બનાવવામાં આવ્યું છે; મંદિરમાં CM યોગીને ભગવાનના રૂપમાં દર્શાવવામાં આવ્યા છે.અયોધ્યામાં રામજન્મભૂમિથી લગભગ 25 કિલોમીટર દૂર પ્રયાગરાજ હાઈવે પર ભારત કુંડ પાસે CM યોગીનું મંદિર બનાવવામાં આવ્યું છે. પૂજા પણ શરૂ થઈ ગઈ છે. અહીં સવાર-સાંજ આરતી કરવામાં આવે છે અને પ્રસાદ પણ ચઢાવવામાં આવે છે.

આમ તો, વૈદિક કાળમાં જ્યોતિર્લિંગની સ્થાપના સાથે, ભવ્ય મંદિરોના નિર્માણની પ્રથા શરૂ થઈ અને તેમના સ્વરૂપ અને પૂજા પ્રથા સમયાંતરે બદલાતી રહી. હા, પણ મંદિરનો અર્થ છે – મનથી દૂર જગ્યા. તે ભગવાન અથવા ગુરુનું સ્થાન એટલે કે મંદિર પણ હોઈ શકે છે. સંકલ્પ પૂરો થયા પછી પણ આસ્થા સાથે મંદિર બનાવવામાં આવે છે. મંદિર બનાવતી વખતે લોકો પોતાની આસ્થા પ્રમાણે મંદિર બનાવે છે.

યોગી આદિત્યનાથનું આ મંદિર અયોધ્યા-ગોરખપુર હાઈવેની બાજુમાં ભરતકુંડ પાસે બનાવવામાં આવ્યું છે. એ જ ભરતકુંડ જ્યાં શ્રી રામના વનવાસ દરમિયાન તેમના ભાઈ ભરતે તેમને ખંડાઉ સિંહાસન પર બેસાડીને 14 વર્ષ સુધી અયોધ્યાનું શાસન સંભાળ્યું હતું. હવે 2014થી યોગી પ્રચારક બનેલા પ્રભાકર મૌર્યએ પોતાનું મંદિર બનાવ્યું છે.મંદિર બનાવનાર પ્રભાકર મૌર્યએ કહ્યું કે જેણે રામનું મંદિર બનાવ્યું તેનું મંદિર અમે બનાવ્યું છે. તેમણે કહ્યું કે તેઓ મુખ્યમંત્રી યોગી આદિત્યનાથના કાર્યોથી ખૂબ પ્રભાવિત થયા છે. મુખ્યમંત્રીએ જે રીતે લોક કલ્યાણના કામો કર્યા છે, તેમણે ભગવાન જેવું સ્થાન પ્રાપ્ત કર્યું છે. તેથી જ તેમના મનમાં મુખ્યમંત્રીનું મંદિર બનાવવાનો વિચાર આવ્યો.