અશ્નૂર કૌરે હિના ખાન વિશે વાત કરતા કહ્યું, “મને ખાતરી છે કે તે જલ્દી સ્વસ્થ થઈ જશે.”

ટેલિવિઝન અને ફિલ્મ અભિનેત્રી હિના ખાન સ્તન કેન્સર સામે લડાઈ લડી રહી છે. હિના સારવારની સાથે કામ કરતી જાેવા મળે છે. હવે હિના ખાનની ઓનસ્ક્રીન પુત્રી અશ્નૂર કૌરે તેના જુસ્સાના વખાણ કર્યા છે. ટીવી સીરિયલ ‘યે રિશ્તા ક્યા કહેલાતા હૈ’માં હિનાની દીકરીનો રોલ કરનાર અશ્નૂરે જણાવ્યું કે તેણે હિના સાથે વાત કરી છે.

અશ્નૂરે કહ્યું કે મને ખાતરી છે કે તે જલ્દી સ્વસ્થ થઈ જશે. અશ્નૂર કૌરે તાજેતરમાં ઈન્ડિયન એક્સપ્રેસ સાથે વાત કરી હતી. આ દરમિયાન તેણે કહ્યું, “મેં હિના સાથે વાત કરી અને તેને શુભેચ્છા પાઠવી. તે એક ખૂબ જ મજબૂત મહિલા છે અને જે રીતે તે તેના માર્ગમાં જે પણ આવી રહી છે તે સામે લડી રહી છે, મને ખાતરી છે કે તે આમાંથી જલ્દી બહાર આવી જશે. તેણી તેની સારવાર સાથે કામ કરી રહી છે, જે અદ્ભુત છે.

મને ખાતરી છે કે ભવિષ્યમાં પણ તે દરેક વ્યક્તિ પર પોતાનો જાદુ ફેલાવવાનું ચાલુ રાખશે.” અશ્નૂર કૌરે ટીવી સીરિયલ ‘યે રિશ્તા ક્યા કહેલાતા હૈ’માં છોટી નાયરાનો રોલ કર્યો હતો. તે વર્ષ ૨૦૧૫-૧૬ દરમિયાન આ શોનો ભાગ હતી. બાદમાં શિવાંગી જાેશીએ નાયરાનું પાત્ર ભજવવાનું શરૂ કર્યું. અશ્નૂર કૌરને પણ આ સિરિયલથી ઘણી ખ્યાતિ મળી હતી. હિના સાથેનો તેમનો બોન્ડ પણ ઘણો પસંદ કરવામાં આવ્યો હતો. અશ્નૂરને સાથ નિભાના સાથિયા, શોભા સોમનાથ કી, મહાભારત, દેવોં કે દોપમહાદેવ, સિયાસત અને પૃથ્વી વલ્લભ જેવા ટીવી શોમાં પણ મહત્વની ભૂમિકાઓ ભજવતા જાેવા મળ્યા હતા.

૨૦ વર્ષની અશ્નૂર કૌરે ૨૦૦૯માં ‘ઝાંસી કી રાની’થી ટીવીની દુનિયામાં ડેબ્યૂ કર્યું હતું. આમાં તેણે બાળ કલાકાર તરીકે પોતાની કારકિર્દીની શરૂઆત કરી હતી. ટીવીની દુનિયામાં કામ કરવા સિવાય અશ્નૂર કૌરે ફિલ્મોમાં પણ કામ કર્યું હતું. તે રણબીર કપૂર સ્ટારર સંજુ અને વિકી કૌશલ, અભિષેક બચ્ચન અને તાપસી પન્નુ સ્ટારર ફિલ્મ મનમર્ઝિયામાં પણ જાેવા મળી હતી. હિના ખાને આ વર્ષે જૂનમાં જણાવ્યું હતું કે તેને સ્ટેજ ૩ બ્રેસ્ટ કેન્સર હોવાનું નિદાન થયું છે.

તેણીએ ઇન્સ્ટાગ્રામ પોસ્ટમાં લખ્યું, “હું તાજેતરની અફવાઓનો જવાબ આપવા માંગુ છું અને કેટલાક મહત્વપૂર્ણ સમાચાર હિનોલિક્સ અને મને પ્રેમ કરતા લોકો સાથે શેર કરવા માંગુ છું. મને સ્ટેજ ૩ સ્તન કેન્સર છે.” તેણે પોસ્ટમાં કહ્યું કે હું મજબૂત છું અને ચોક્કસપણે આ બીમારીમાંથી જીતીશ. તેણે આ જ પોસ્ટમાં જણાવ્યું હતું કે તેની સારવાર શરૂ થઈ ગઈ છે. ત્યારથી હિના ખાનની સારવાર ચાલી રહી છે.

આ સમયગાળા દરમિયાન, તેણે ઘણા કિમોથેરાપી સત્રો પણ પસાર કર્યા છે. તે ઘણીવાર હોસ્પિટલની પોતાની તસવીરો પણ શેર કરતી રહે છે. હિના સારવારની સાથે સાથે સતત કામ કરી રહી છે. ક્યારેક તે રેમ્પ વોક કરતી જાેવા મળે છે તો ક્યારેક શૂટિંગ કરતી જાેવા મળે છે. હાલમાં જ તે એક એવોર્ડ ફંક્શનમાં પણ જાેવા મળી હતી. આ મોટી બીમારી સામે લડતી વખતે હિના જીમ જવાનું પણ ભૂલતી નથી. તે ઘણીવાર તેના વર્કઆઉટની તસવીરો પણ શેર કરતી રહે છે.