આંધ્ર પ્રદેશમાં ડ્રાઈવરને ઊંઘ આવતા બસ નહેરમાં પડી

આંધ્ર પ્રદેશના પ્રકાશમ જિલ્લામાં દર્શી-પોથિલી રોડ પર એક સરકારી લક્ઝરી બસ નહેરમાં પલટી ગઈ. જેમાં ૭ લોકોના મોત થયા છે. આંધ્રપ્રદેશના પ્રકાશમ જિલ્લામાં એક સરકારી એસી બસ સાગર કેનાલમાં ૩૦ ફૂટ ઊંડી પડી. આ અકસ્માતમાં ૧૮ લોકો ગંભીર રીતે ઘાયલ થયા હતા જ્યારે સાત મુસાફરોના કરૂણ મોત થયા. કુલ ૩૦ જેટલા મુસાફરો આ બસ અકસ્માતમાં ઘાયલ થયા છે. લગ્ન માટે ભાડે લીધેલી સરકારી બસ ક્રેઈનની મદદથી કેનાલમાં બહાર કાઢવામાં આવી હતી. કેનાલમાં પલટી ગયેલી બસમાં ફસાયેલા લોકોને પોલીસે બચાવ્યા હતા. પ્રાથમિક તપાસમાં બસ ડ્રાઈવરને ઊંઘી જવાના કારણે અકસ્માત સર્જાયો હોવાનું બહાર આવ્યું છે. એવું કહેવાય છે કે કાકીનાડા જતી બસમાં ૪૦ જેટલા લોકો સવાર હતા.

અન્ય લોકો પરિસ્થિતિ જાણતા નથી. જાે કે બચાવ કામગીરી જાેરશોરથી ચાલી રહી છે. મૃતકો પૈકી ૩ એક જ પરિવારના હોવાનું જાણવા મળે છે. બસની નીચે પાણીમાં ફસાયેલી ૬ વર્ષની બાળકી શેખ હીનાની લાશ મળી આવી હતી. પોલીસે ભારે જહેમતથી બાળકની લાશને બહાર કાઢી હતી. એવું જાણવા મળે છે કે મૃતકોમાં દુલ્હનની બે મોટી કાકી, દાદી અને મોટી કાકીની પુત્રવધૂનો સમાવેશ થાય છે. બોડેલી મસ્જિદમાં હાફિઝ સાબ અબ્દુલ અઝીઝ, તેની પત્ની અને પૌત્રી હાજર હોવાનું જાણવા મળ્યું હતું. અકસ્માત સમયે બસમાં ૪૫ મુસાફરો સવાર હતા. આ તમામે સોમવારે પોડિલીમાં યોજાયેલા લગ્ન સમારોહમાં હાજરી આપી હતી અને ખાસ આરટીસી બસમાં કાકીનાડામાં રિસેપ્શન માટે રવાના થયા હતા. સ્થાનિકોની સૂચના પર પોલીસ ઘટનાસ્થળે પહોંચી હતી. પલટી ગયેલી બસને ક્રેનની મદદથી બહાર કાઢવામાં આવી હતી. મૃતકની વિગતો કઈક આ પ્રકારે છે જેમાં અબ્દુલ અઝીઝ (૬૫ વર્ષ), અબ્દુલ હાની(૬૦ વર્ષ), શેખ રમીઝ (૪૮ વર્ષ), મુલ્લા નૂરજહાં (૫૮ વર્ષ), મુલ્લા જાની બેગમ (૬૫ વર્ષ), શેખ શભીના (૩૫ વર્ષ) અને શેખ હિના (૬ વર્ષ)નો સમાવેશ થાય છે.