આગામી દિવસોમાં જિલ્લાકક્ષાની બાળ પ્રતિભા શોધ સ્પર્ધાનું આયોજન કરાશે

રમત ગમત દ્વારા પ્રતિ વર્ષ યોજાતો જિલ્લા, ઝોન, રાજ્યકક્ષા બાળ પ્રતિભા શોધ સ્પર્ધા ઉત્સવની સ્પર્ધાઓ પૈકી ચાલુ વર્ષે કુલ ૧૩ સ્પર્ધાનું આયોજન કરવામાં આવશે. આ સ્પર્ધાની વય મર્યાદા ૩૧/૧૨/૨૦૨૧ ના રોજ ૭ વર્ષથી ૧૩ વર્ષથી વધુ ન હોવી જોઈએ. જેમાં (૧) “અ”  વિભાગમાં ૭ વર્ષથી ૧૦ વર્ષ સુધીના બાળકો માટે ‘વક્તૃત્વ, નિબંધ, સર્જનાત્મક કારીગરી, લગ્ન ગીત, લોકવાદ્ય સંગીત, એકપાત્રીય અભિનય’ (૨) “બ” ૧૦ વર્ષથી ઉપર અને  ૧૩ વર્ષ સુધીના બાળકો માટે ‘વક્તૃત્વ, નિબંધ, સર્જનાત્મક કારીગરી, લગ્ન ગીત, લોકવાધ સંગીત, એક પાત્રીય અભિનય’(૩) ખુલ્લો વિભાગ ૭ વર્ષ થી ૧૩ વર્ષનાં બાળકો માટે પાદપૂર્તિ ‘દોહા – છંદ, લોકવાર્તા, લોકગીત, ભજન, સમૂહગીત, લોકનૃત્ય વગેરે કૃતિઓ માટે યોજાશે, આ સ્પર્ધા ભાગ લેવા માંગતી સંસ્થાઓ/પ્રાથમિક શાળાઓએ તા.૧૧/૦૨/૨૦૨૨ સુધીમાં પોતાની એન્ટ્રી(પ્રવેશ ફોર્મ)  જિલ્લા રમત ગમત કચેરી, બહુમાળી ભવન, બ્લોક:-સી, પ્રથમ માળે, રૂમનં.૧૧૦/૧૧૧, અમરેલી ખાતે જિલ્લા યુવા વિકાસ અધિકારીને રૂબરૂમાં પહોચતી કરવાની રહેશે. ત્યાર બાદ આવનાર પ્રવેશપત્રને ધ્યાન પર લેવામાં આવશે નહિ.

સ્પર્ધાનો વિગતવાર કાર્યક્રમ આવેલ પ્રવેશપત્રની સંસ્થાના સંચાલકશ્રી ને જાણ કરવામાં આવશે. વિગતવાર માહિતી રમત ગમત કચેરીના બ્લોગ એડ્રેસ dsoamreli.blogpost.com પરથી મેળવી શકાશે તથા વધુ માહિતી કચેરીના ફોન નંબર ૦૨૭૯૨ ૨૨૩૬૩૦ પરથી મેળવી શકશો.