આઝાદીકા અમૃત મહોત્સવ અંતર્ગત મહાત્મા ગાંધી વિષય પર ચિત્રસ્પર્ધા યોજાશે

ગુજરાત રાજ્ય લલિતકલા અકાદમી દ્વારા આયોજિત આઝાદી કા અમૃત મહોત્સવ અંતર્ગત મહાત્મા ગાંધી વિષય પર ચિત્ર સ્પર્ધાનું આયોજન કરવામાં આવેલ છે. જેમાં ધોરણ ૧ થી ૧૨માં અભ્યાસ કરતા વિદ્યાર્થીઓ ભાગ લઇ શકશે. સ્પર્ધક વધુમાં વધુ એક કૃતિ રજુ કરી શકશે. કૃતિની નીચે RENAME કરી સ્પર્ધકે કૃતિનું શીર્ષક અને સ્પર્ધકનું નામ ફરજીયાત દર્શાવવાનું રેહશે. આ કૃતિ લલિતકલા અકાદમીનાં ઈમેઈલ આઈડી gslka.independence@gmail.com પર તા.૧૫-૦૯-૨૦૨૧ સુધી નિયત ફોર્મમાં પોતાની સંપૂર્ણ વિગત ભરીને ઓનલાઈન કૃતિ રજુ કરવાની રેહશે. અધુરી વિગતો કે કચેરીને રૂબરૂ/કુરીયર થી મોકલવામાં આવેલ ફોર્મ અને કૃતિ સ્પર્ધા માટે માન્ય ગણવામાં આવશે નહિ.

રાજ્યકક્ષાએ આ ચિત્ર સ્પર્ધામાં પ્રથમ વિજેતાને રૂ.૭,૦૦૦/-, દ્વિતીય વિજેતાને રૂ.૫,૦૦૦/- તથા તૃતીય વિજેતાને રૂ.3,000/- એમ ત્રણ ઇનામો આપવામાં આવશે. જેમાં ૧૦ વિજેતા કલાકારોની પસંદગી થશે. તેઓ પૈકી પ્રથમ વિજેતાને રૂ.૨૫,૦૦૦/-, દ્વિતીય વિજેતાને રૂ.૧૫,૦૦૦/- તથા તૃતીય વિજેતાને રૂ.૧૦,૦૦૦/- એમ ત્રણ ઇનામો અને બાકી સાત વિજેતાઓને (પ્રત્યેકને) રૂ.૫,૦૦૦/- પ્રોત્સાહક ઇનામ પણ અપાશે. આ સ્પર્ધાની વધારે માહિતી માટે કચેરીના ફોન નંબર ૦૨૭૯૨ ૨૨૩૬૩૦નો સંપર્ક કરવનો રહેશે