“આઝાદી સે અંત્યોદય તક” સ્વ. બળવંતરાય મહેતાની પ્રતિમાને પુષ્પાંજલીનો કાર્યક્રમ યોજાયો

આઝાદી કા અમૃત મહોત્સવ કાર્યક્રમ અંતર્ગત ક્રેશન્ટ સર્કલ ખાતે આઝાદી સે અંત્યોદય તક સ્વ. બળવંતરાય મહેતાની પ્રતિમાને પુષ્પાંજલીનો કાર્યક્રમ યોજાયો હતો.

આ કાર્યક્રમમાં ઉપસ્થિત જિલ્લા પંચાયત પ્રમુખ શ્રી ભરતસિંહજી ગોહિલે પંચાયતી રાજના પ્રણેતા ને પુષ્પાંજલી આર્પી હતી, આ તકે એમને જણાવ્યું હતું કે બળવંતરાય મહેતાને પંચાયતની રચનાનો ખ્યાલ સૌપ્રથમ આવ્યો હતો જેના લીધે આજે ત્રિસ્તરીય પંચાયત આપણે ધરાવીએ છીએ. આ ઉપરાંત આઝાદીનાં અમૃત મહોત્સવની ઉજવણી કરી રહ્યા છીએ ત્યારે આઝાદીની લડતમાં ભાગ લેનાર બળવંતરાય મહેતાનાં યોગદાન ને આપડે ભૂલવું નાં જોઈએ   

આ કાર્યક્રમમાં મહાત્મા ગાંધીજીની પ્રતિમા ને ફૂલ હાર પહેરાવીને પુષ્પાંજલિ આપવામાં આવી હતી, આ ઉપરાંત કાર્યક્રમની રેલી યોજાઇ હતી. સમગ્ર કાર્યક્રમ જિલ્લા વિકાસ અધિકારશ્રી પ્રશાંત જીલોવા અને નિયામકશ્રી ના માર્ગદર્શન હેઠળ ખુબજ સુંદર આયોજન કરવામાં આવ્યું હતું. આ તકે જિલ્લા ગ્રામ વિકાસ એજન્સી નિયામકશ્રી તુષાર જોશી, ડી એલ એમ શ્રી  વિજયસિંહ વાઘેલા, રમતગમત અધિકારી શ્રી વિશાલભાઈ, જીલ્લા પ્રાથમિક શિક્ષણ અધિકારી શ્રી મનસુખભાઇ બોરીચા સહિતના આગેવાનો ઉપસ્થિત રહ્યા હતા.