આદિવાસી ગૌરવ દિવસ નિમિત્તે નવી દિલ્હીના બંસેરા પાર્કમાં બિરસા મુંડાની પ્રતિમાનું અનાવરણ કરવામાં આવ્યું

ભગવાન બિરસા મુંડા દેશના સ્વાતંત્ર્ય સંગ્રામના મહાન નાયકોમાંના એક હતાઃ અમિત શાહ આદિવાસી સમુદાય ભગવાન બિરસા મુંડાનો હંમેશા આભારી રહેશેઃ અમિત શાહ કેન્દ્રીય ગૃહ પ્રધાન અમિત શાહે શુક્રવારે કહ્યું કે ભગવાન બિરસા મુંડા દેશના સ્વતંત્રતા સંગ્રામના મહાન નાયકોમાંના એક હતા. આદિવાસી ગૌરવ દિવસ નિમિત્તે નવી દિલ્હીના બંસેરા પાર્કમાં બિરસા મુંડાની પ્રતિમાનું અનાવરણ કર્યા બાદ ગૃહમંત્રીએ કહ્યું કે આદિવાસી સમુદાય હંમેશા ભગવાન બિરસા મુંડાનો આભારી રહેશે.

આવતા વર્ષે ૧૫ નવેમ્બરને દેશમાં આદિવાસી ગૌરવ દિવસ તરીકે ઉજવવામાં આવશે. બિરસા મુંડાને તેમની ૧૫૦મી જન્મજયંતિ પર યાદ કરતાં ગૃહમંત્રી અમિત શાહે જણાવ્યું હતું કે ભગવાન બિરસા મુંડાએ રાષ્ટ્ર અને આદિવાસીઓના ઉત્થાન માટે નાની ઉંમરમાં પોતાનું જીવન સમર્પિત કરી દીધું હતું. તેમણે કહ્યું કે આદિવાસી સમાજ માટે જળ, જમીન અને જંગલો ખૂબ જ જરૂરી છે અને બિરસા મુંડાએ આદિવાસી સમુદાયોમાં આ અંગે જાગૃતિ લાવી હતી. અમિત શાહ દ્વારા આજે અનાવરણ કરાયેલ બિરસા મુંડાની પ્રતિમાનું વજન લગભગ ૩,૦૦૦ કિલો છે. આ પ્રતિમા પશ્ચિમ બંગાળના બે કારીગરોએ તૈયાર કરી છે. આજે જ કેન્દ્રીય આવાસ અને શહેરી બાબતોના મંત્રી મનોહર લાલ ખટ્ટરે સરાય કાલે ખાન ૈંજીમ્‌ ઈન્ટરસેક્શનનું નામ બદલીને ભગવાન બિરસા મુંડા ચોક કરવાની જાહેરાત કરી હતી.

બિરસા મુંડા પાસેથી પ્રેરણા લેવાની વાત કરતાં કેન્દ્રીય ગૃહમંત્રીએ કહ્યું કે નરેન્દ્ર મોદી સરકારે આદિવાસી વિસ્તારોના વિકાસ અને આદિવાસી લોકોના ઉત્થાન માટે ઘણા પ્રયાસો કર્યા છે. તેમણે બિરસા મુંડાને શ્રદ્ધાંજલિ આપી અને આશા વ્યક્ત કરી કે યુવાનો તેમની પાસેથી પ્રેરણા લેતા રહેશે. ગૃહમંત્રી અમિત શાહે કહ્યું કે, “આપણે ભગવાન બિરસા મુંડા ‘ધરતી આબા’ના જીવનને બે તબક્કામાં વહેંચી શકીએ છીએ, પ્રથમ, આદિવાસી સંસ્કૃતિનું રક્ષણ અને તેના પ્રત્યે પ્રતિબદ્ધતા, બીજું, માતૃભૂમિની સ્વતંત્રતા, રક્ષણ માટે સર્વોચ્ચ બલિદાન આપવું.

તેનો જુસ્સો. તેમણે કહ્યું કે માત્ર ૨૫ વર્ષની ઉંમરમાં બિરસા મુંડાએ પોતાના કર્તવ્યથી એવી કહાણી લખી કે ૧૫૦ વર્ષ પછી પણ આખો દેશ તેમની સામે ઝૂકે છે. તેમણે અંગ્રેજાે સામે ક્રાંતિની મશાલ પ્રગટાવી અને આદિવાસીઓની સ્થિતિ તરફ માત્ર દેશ જ નહીં પરંતુ સમગ્ર વિશ્વનું ધ્યાન દોર્યું. અગાઉ, કેન્દ્રીય ગૃહ પ્રધાન અમિત શાહે રાજધાની દિલ્હીમાં બિરસા મુંડાની ૧૫૦મી જન્મજયંતિ પર તેમની ભવ્ય પ્રતિમાનું અનાવરણ કર્યું હતું. આજે ભગવાન બિરસા મુંડાની ૧૫૦મી જન્મજયંતિ છે અને આ દિવસ દર વર્ષે આદિવાસી ગૌરવ દિવસ તરીકે ઉજવવામાં આવે છે. લગભગ ૪ વર્ષ પહેલા કેન્દ્રની મોદી સરકારે ૨૦૨૧માં મુંડાની જન્મજયંતિને આદિવાસી ગૌરવ દિવસ તરીકે ઉજવવાની જાહેરાત કરી હતી.