આ રીતે ઘરે બનાવો ગુજરાતી કઢી, ખીચડી સાથે ખાવાની આવશે જોરદાર મજા

ગુજરાતીઓની પહેલી પસંદ ખીચડી અને કઢી હોય છે. ખીચડી સાથે કઢી ખાવાની મજા જ કંઇક અલગ આવે છે. જો કે દરેકના ઘરમાં અલગ-અલગ પ્રકારની કઢી બનતી હોય છે. કોઇના ઘરે મીઠી તો કોઇના ઘરે ખાટ્ટી. આ ફેમસ કઢી તમારા ઘરે મહેમાન આવે ત્યારે બનાવો છો તો તમારા વખાણ થશે. આમ, જો તમે હવે ઘરે આ રીતે કઢી બનાવશો તો ખીચડી સાથે ખાવાની બહુ જ મજા આવશે.

સામગ્રી

અડધો કપ દહીં અથવા છાશ

1 ચમચી ચણાનો લોટ

2 કપ પાણી

વધાર માટે

1 ચમચી ઘી

જીરું

રાઇ

આદું

લવિંગ

તજ

મેથી પાઉડર

મીઠો લીમડો

હળદર

લાલ મરચા

હિંગ

સ્વાદાનુંસાર ખાંડ

સ્વાદાનુંસાર મીઠુ

બનાવવાની રીત

• ગુજરાતી કઢી બનાવવા માટે સૌ પ્રથમ દહીંમાં પાણી ઉમેરીને ફેટીને થોડી ઘટ્ટ છાશ બનાવી લો.
• હવે છાશમાં એક ચમચી ચણાનો લોટ નાંખીને સારી રીતે મિક્સ કરી લો.
• ત્યારબાદ એક કઢાઇમાં ઘી ગરમ કરો.
• ઘીમાં તજ, લવિંગ, મેથી પાઉડર, જીરું, સુકા લાલ મરચા, લીમડો, હિંગ અને આદુંની પેસ્ટ નાંખીને વધાર કરો.
• હવે કઢાઇમાં છાશ નાંખીને બરાબર હલાવી દો.
• આ છાશને બરાબર ઉકાળો.
• ઉકળતી છાશમાં થોડી હળદર, ખાંડ અને મીઠું નાંખો.
• કઢી ઉકાળીને થોડી ઘટ્ટ બનાવો.
• તો તૈયાર છે ગુજરાતીઓની ‘કઢી’
• આ કઢી તમે ખીચડી અને ભાત સાથે ખાઓ છો તો બહુ મજા આવે છે.
• આ કઢી જ્યારે તમે બનાવો ત્યારે મસાલાથી ભરપૂર બનાવો જેથી કરીને ટેસ્ટમાં મસ્ત બને.
• જો તમારા ઘરમાં ગળપણ વધારે ખાતા હોવ તો તમે કઢીમાં ખાંડ વધારે નાંખીને કઢી ગળી બનાવી શકો છો.