આ રીતે ઘરે બનાવો મેથી-પાપડનું શાક, સ્વાદમાં ટેસ્ટી બનશે, નહિં લાગે જરા પણ કડવું

તમે ક્યારે પણ ખાધુ છે મેથી પાપડનું શાક? અનેક લોકોના ઘરમાં આ શાક બનતું હોય છે જ્યારે અનેક લોકો મેથી પાપડનું શાક ઘરે બનાવતા હોતા નથી. આમ, જો તમે પણ મેથી પાપડનું શાક ઘરે બનાવતા નથી તો ટ્રાય કરો તમે પણ આ વખતે…

સામગ્રી

એક નાની વાટકી સૂકી મેથી

3 નંગ મોટા મગના પાપડ

લાલ સૂકું મરચું

મરચું પાવડર

હળદર

ધાણાજીરું

ગરમ મસાલો

1 ચમચી લીંબુનો રસ

2 ચમચા તેલ

ચપટી હિંગ

મીઠું જરૂર મુજબ

1 ગ્લાસ પાણી

ઝીણી સમારેલી કોથમીર

બનાવવાની રીત

• મેથી પાપડનું શાક બનાવવા માટે સૌ પ્રથમ મેથી લો અને એને ધોઈને 7 કલાક પલાળી રાખો.
• પછી મેથીમાં મીઠું નાખી બાફી લો. જો તમે આ રીતે મેથીને બાફશો તો એની કડવાશ નીકળી જશે અને શાક ખૂબ સ્વાદિષ્ટ લાગશે.
• ત્યારબાદ એક પેનમાં તેલ લો.
• તેલ ગરમ થાય એટલે એમાં હીંગ, આખું લાલ મરચું અને મેથીના દાણા મિક્સ કરો.
• પછી તેમાં બધા જ સૂકા મસાલા ઉમેરી હલાવી એક ગ્લાસ પાણી ઉમેરી ઉકાળવા દો.
• પાણી ઉકળે એટલે તેમાં પાપડના ટૂકડા ઉમેરીને થોડું ઘટ્ટ થાય ત્યાં સુધી ચડવા દો.
• આમ, આ બધુ થઈ જાય એટલે કોથમીરથી ગાર્નિશ કરી ગરમા-ગરમ રોટલી કે પરાઠા સાથે સર્વ કરો.
• તો તૈયાર છે મેથી પાપડનું શાક.
• જો તમે આ રીતે મેથી પાપડનું શાક બનાવશો તો સ્વાદમાં એકદમ મસ્ત બનશે અને ખાવાની પણ મજા આવશે.
• અનેક લોકોની ફરિયાદ હોય છે કે મેથી પાપડનું શાક કડવું લાગે છે, પરતુ જો તમે આ રીતે મેથી બાફીને બનાવશો તો કડવું નહિં લાગે.