ઇઝરાયેલમાં તબીબોએ એક અશક્ય ઓપરેશનને પાર પાડ્યું

ડૉક્ટરોને ભગવાનનો દરજ્જાે આપવામાં આવે છે. ઈઝરાયેલના ડોક્ટરોની ટીમે આ વાત સાચી સાબિત કરી છે. ઈઝરાયેલમાં કારની ટક્કરથી ૧૨ વર્ષના છોકરાનું માથું તેના ગળામાંથી કપાઈ ગયું હતું. જે સર્જરી બાદ ફરી જાેડાઇ ગયું છે. આ એક ચમત્કાર જ કહી શકાય. દુનિયાભરમાં આવા બહુ ઓછા કિસ્સાઓ જાેવા મળ્યા છે, જ્યારે કપાયેલું માથું આવી સર્જરી દ્વારા ફરી જાેડવામાં આવ્યું હોય. ધ ટાઈમ્સ ઓફ ઈઝરાયેલના અહેવાલ મુજબ, કાર અકસ્માત બાદ છોકરાની ખોપરી તેની કરોડરજ્જુના ઉપરના ભાગ સાથે અડધા ભાગમાં વિભાજિત થઈ ગઈ હતી. આ સ્થિતિને વૈજ્ઞાનિક રીતે દ્વિપક્ષીય એટલાન્ટો ઓસીપીટલ કહેવામાં આવે છે. આવી સ્થિતિમાં દર્દીનો જીવ બચાવવો મુશ્કેલ હોય છે. અકસ્માત બાદ છોકરાને એરલિફ્ટ કરીને હાદા સાહ મેડિકલ સેન્ટરમાં લઈ જવામાં આવ્યો હતો. જ્યાં તેને ઈમરજન્સી સર્જરી માટે મોકલવામાં આવ્યો હતો. છોકરાનું માથું ગરદન પાસે લગભગ સંપૂર્ણપણે કપાયેલું હતું. પરંતુ ડોક્ટરોએ આ સફળ સર્જરી કરીને છોકરાને નવું જીવન આપ્યું છે. આ પ્રકારની સર્જરી માટે વિશિષ્ટ ડોકટરોની જરૂર પડે છે. શસ્ત્રક્રિયા મુશ્કેલ છે… તે પણ કરી બતાવી આ ડોક્ટરોએ.. આ પ્રકારની માથાની શસ્ત્રક્રિયા વૃદ્ધ વ્યક્તિ કરતાં બાળક માટે વધુ મુશ્કેલ છે. ડોકટરોના મતે, આ કોઈ સામાન્ય સર્જરી નથી. ખાસ કરીને બાળકો અને કિશોરો માટે, તે બિલકુલ નથી. આ કરવા માટે સર્જનને જ્ઞાન અને અનુભવની જરૂર હોય છે. આવા સંજાેગોમાં દર્દીનો જીવ બચાવવો પણ એક પડકાર છે, પરંતુ ડોકટરોના અનુભવ અને આધુનિક ટેકનોલોજીની મદદથી આ શક્ય બની શકે છે. છોકરાના પિતાએ એક ક્ષણ માટે પણ પુત્રનો સાથ ન છોડ્યો, તેઓ તેને ગંભીર હાલતમાં હોસ્પિટલ લઈ ગયા. પોતાના એકમાત્ર પુત્રને બચાવવા માટે તેણે હોસ્પિટલ સ્ટાફનો આભાર માન્યો હતો. છોકરાના પિતાએ કહ્યું કે આટલા ખતરનાક અકસ્માત બાદ બાળકના બચવાની આશા ઓછી હતી. ત્યારે પણ તબીબોએ તેને નવું જીવન આપ્યું હતું.આ ટ્રોમા અને ઓર્થોપેડિક્સ ટીમની મદદથી શક્ય બન્યું હતું.