ઇસ્લામિક રેઝિસ્ટન્સે ડઝનેક રોકેટ વડે ઇઝરાયલની સૈન્ય અને એરપોર્ટને નિશાન બનાવ્યું હતું, જ્યારે ઇઝરાયલે લેબનોનમાં પણ ૪૦૦ થી વધુ હુમલા કર્યા હતા

છેલ્લા એક સપ્તાહમાં ઈઝરાયેલે હિઝબુલ્લાહને ઘણી મોટી હારનો સામનો કરવો પડ્યો છે. જેના જવાબમાં હિઝબુલ્લાએ રવિવાર સવારથી ઈઝરાયેલ વિરુદ્ધ ત્રણ ઓપરેશન હાથ ધર્યા છે. જેમાં ઇઝરાયેલની જગ્યાઓ પર સેંકડો રોકેટ અને ડ્રોનથી હુમલો કરવામાં આવ્યો છે. હિઝબુલ્લાહના આ હુમલાઓ બાદ ઈઝરાયેલના અલગ-અલગ શહેરોમાંથી નુકસાનના અહેવાલો સામે આવ્યા છે. સૌથી વધુ નુકસાન હૈફામાં થયું છે. પ્રથમ ઓપરેશનમાં, ઇસ્લામિક રેઝિસ્ટન્સે ડઝનેક ફાદી ૧ અને ફાદી ૨ રોકેટ વડે ઇઝરાયલી રામત ડેવિડ લશ્કરી મથક અને એરપોર્ટને નિશાન બનાવ્યું હતું. પ્રથમ હુમલાના થોડા સમય પછી, હિઝબુલ્લાહે એ જ લક્ષ્યો પર બીજું ઓપરેશન શરૂ કર્યું, જેમાં ફાદી ૧ અને ફાદી ૨ રોકેટનો પણ ઉપયોગ કરવામાં આવ્યો. હુમલા બાદ જારી કરાયેલી તસવીરોમાં વાહનો અને ઈન્ફ્રાસ્ટ્રક્ચરને આગ લાગતા જાેઈ શકાય છે. આ હુમલામાં એક કિશોરના મોતના પણ સમાચાર છે.

ત્રીજા ઓપરેશનમાં, તે રાફેલ લશ્કરી-ઔદ્યોગિક સંકુલ પર સવારે લગભગ ૬ઃ૩૦ વાગ્યે હાથ ધરવામાં આવ્યું હતું. રાફેલ ઇઝરાયેલી સૈન્ય માટે ઇલેક્ટ્રોનિક ઘટકો બનાવવા માટે જાણીતું છે અને તે હાઇફા શહેરની ઉત્તરે ઝવુલુન ખીણમાં સ્થિત છે. તેને ડઝનેક ફાડી ૧, ફાદી ૨ અને કટ્યુષા રોકેટ દ્વારા પણ નિશાન બનાવવામાં આવ્યું છે. ઇઝરાયેલની સેનાના જણાવ્યા અનુસાર, હિઝબુલ્લાએ મોડી રાતથી લગભગ ૧૫૦ રોકેટ છોડ્યા છે, જેમાંથી મોટા ભાગનાને હવાઈ સંરક્ષણ દ્વારા નષ્ટ કરી દેવામાં આવ્યા છે. ઈઝરાયેલની સેનાએ માહિતી આપી હતી કે તેના ફાઈટર જેટ્‌સે હિઝબુલ્લાહના ટાર્ગેટ પર લગભગ ૪૦૦ હવાઈ હુમલા કર્યા છે. ઈઝરાયેલે દાવો કર્યો હતો કે મોટાભાગના હુમલાઓ હિઝબુલ્લાહના સ્થાનોને નિશાન બનાવવામાં આવ્યા હતા જ્યાંથી ઈઝરાયેલ પર હુમલો કરવાના પ્રયાસો થઈ રહ્યા હતા. છેલ્લા કેટલાક મહિનાઓથી ચાલી રહેલા તણાવ બાદ આ દિવસે બંને તરફથી સૌથી મોટા હુમલાનો દિવસ રહ્યો છે. યુએન ચીફ એન્ટોનિયો ગુટેરેસે લેબનોનમાં વધી રહેલા તણાવ પર ચિંતા વ્યક્ત કરી છે. ગુટેરેસે આરબ ન્યૂઝને આપેલા ઈન્ટરવ્યુમાં કહ્યું કે અમે લેબનોનને બીજું ગાઝા બનવા દઈ શકીએ નહીં.