એલ્વિશ યાદવના ૩૨ બોર ગીતના શૂટિંગમાં સાપનો ઉપયોગ કરવામાં આવ્યો હતોગુરુગ્રામ કોર્ટે એલ્વિશ વિરુદ્ધ કેસ નોંધવાનો આદેશ આપ્યો

બિગ બોસ ઓટીટી ૨ વિજેતા અને યુટ્યુબર એલ્વિશ યાદવની મુશ્કેલીઓનો અંત આવવાના કોઈ સંકેત દેખાઈ રહ્યા નથી. રેવ પાર્ટીમાં સાપનું ઝેર માંગવા બદલ તે જેલ ગયો છે. તાજેતરમાં જ તેને કોર્ટમાંથી જામીન મળ્યા હતા. આ દરમિયાન, તે તેના વીડિયોમાં સાપનો ઉપયોગ કરવાને કારણે ફરી મુશ્કેલીમાં હોય તેવું લાગે છે. ખરેખર, એલ્વિશ યાદવના ૩૨ બોર ગીતના શૂટિંગમાં સાપનો ઉપયોગ કરવામાં આવ્યો હતો. હવે ૨૮ માર્ચે ગુરુગ્રામ કોર્ટે એલ્વિશ વિરુદ્ધ કેસ નોંધવાનો આદેશ આપ્યો છે. આ મામલામાં એલ્વિશ યાદવ ઉપરાંત હરિયાણવી ગાયક રાહુલ યાદવ ફાઝિલપુરિયા સામે પણ હ્લૈંઇ નોંધવાના આદેશ આપવામાં આવ્યા છે. કહેવામાં આવી રહ્યું છે કે, ૩૨ બોર ગીતના શૂટિંગમાં દુર્લભ સાપનો ઉપયોગ કરવામાં આવ્યો છે. તાજેતરમાં, એલ્વિશ યાદવને રેવ પાર્ટીમાં સાપનું ઝેર માંગવાના કેસમાં રાહત મળી હતી.

હકીકતમાં, જેલમાં રહ્યા પછી, તે ફક્ત તેના સામાન્ય જીવનમાં પાછો ફરતો હતો જ્યારે તે અન્ય કેસમાં ફસાઈ ગયો હોય તેવું લાગતું હતું. વાસ્તવમાં આ ૩૨ બોર ગીતના શૂટિંગ દરમિયાન ગળામાં સાપ બાંધવાનો મામલો છે. જેના પર એનજીઓ પીપલ ફોર એનિમલ્સ વતી કોર્ટમાં અરજી દાખલ કરવામાં આવી હતી. હવે ગુરુવારે સાંજે કોર્ટે બાદશાહપુર પોલીસ સ્ટેશનને હ્લૈંઇ નોંધવાનો આદેશ આપ્યો છે. એલ્વિશ યાદવ ઉપરાંત હરિયાણવી સિંગર રાહુલ યાદવ ફાઝિલપુરિયાનું નામ પણ આમાં સામેલ છે. હકીકતમાં, પ્રાણી ક્રૂરતા અધિનિયમ, વન્યજીવન અધિનિયમ, જુગાર અધિનિયમ અને ગુનાહિત ષડયંત્રની કલમ હેઠળ કેસ નોંધવાના આદેશ આપવામાં આવ્યા છે.

તમને જણાવી દઈએ કે એડિશનલ ચીફ જ્યુડિશિયલ મેજિસ્ટ્રેટ મનોજ રાણાની કોર્ટે બાદશાહપુર પોલીસ સ્ટેશનમાં એલ્વિશ યાદવ અને સિંગર વિરુદ્ધ હ્લૈંઇ નોંધવાનું કહ્યું છે. તાજેતરમાં જ એલ્વિશ યાદવને કોર્ટમાંથી જામીન મળ્યા હતા. ત્યારથી તે પોતાના કામ પર પાછો ફર્યો છે. તેણે હોળીના એક દિવસ પહેલા જ વ્લોગ કરવાનું શરૂ કર્યું. તે પોતાના ચાહકો સાથે હોળી મનાવવા સુરત પહોંચી ગયો હતો. હાલમાં જ તેની એક ટિ્‌વટ પણ વાયરલ થઈ રહી છે. જેમાં તેણે લખ્યું હતું કે, ‘બિગ બોસ જીત્યા પછી શું દરેકનો ખરાબ સમય શરૂ થાય છે?’ વાસ્તવમાં તેણે મુનવ્વર ફારૂકી માટે ઈશારામાં આ વાત કહી હતી.