કરહાલથી તેજ પ્રતાપના નામાંકન બાદ અખિલેશે કહ્યુંભાજપે ચૂંટણી લાભ માટે બહરાઈચમાં રમખાણો કર્યા : અખિલેશ

સમાજવાદી પાર્ટીના વડા અખિલેશ યાદવે તેજ પ્રતાપ યાદવને મૈનપુરીની કરહાલ સીટ પરથી મેદાનમાં ઉતાર્યા છે. તેજ પ્રતાપ યાદવે સોમવારે ઉમેદવારી નોંધાવી હતી. તેજ પ્રતાપ યાદવના નામાંકન બાદ સપાના વડા અખિલેશ યાદવે પ્રેસ કોન્ફરન્સ કરી હતી. તેમણે કહ્યું કે, અહીંના લોકોએ હંમેશા સમાજવાદી પાર્ટીને સમર્થન આપ્યું છે. તેમણે ભાજપ પર ગંભીર આરોપો લગાવતા કહ્યું કે, ભાજપે ચૂંટણી લાભ માટે જાણીજાેઈને બહરાઈચમાં રમખાણો કરાવ્યા છે. અખિલેશ યાદવે કહ્યું કે, ભાજપના ર્નિણયો હજુ પણ યોગ્ય નથી. આ લોકો પોતાને શ્રેષ્ઠ માને છે.

તેમની સદસ્યતા ઓછી છે, પરંતુ જમીનો પર કબજાે વધુ ચાલી રહ્યો છે, ઉત્તર પ્રદેશની પેટાચૂંટણીમાં જીતનો દાવો કરતા અખિલેશ યાદવે કહ્યું કે, અહીંના લોકોએ હંમેશા સપાને પસંદ કર્યો છે. આ વખતે પહેલા કરતા વધુ સમર્થન છે, પરિણામો ઐતિહાસિક બનવાના છે. ભાજપ પર પ્રહાર કરતા અખિલેશ યાદવે કહ્યું કે, ભાજપ પેટાચૂંટણીમાં પીડીએનો સામનો કરવા તૈયાર નથી. ભાજપ નર્વસ છે, તે ઁડ્ઢછ કહેવાનું પણ ભૂલી ગયો છે. તેમણે એમ પણ કહ્યું કે, મોંઘવારી અને બેરોજગારી વધી રહી છે. એઆઈના આવ્યા પછી જર્મની જેવો દેશ ઈવીએમની વાત કરી રહ્યો છે ત્યારે ઈવીએમ પર સવાલો ઉઠવા સ્વાભાવિક છે.

ઉત્તર પ્રદેશમાં ૯ બેઠકો પર પેટાચૂંટણી યોજાઈ રહી છે. મૈનપુરીની કરહાલ બેઠક આ પેટાચૂંટણીઓમાં મહત્વની બેઠક છે. અખિલેશ યાદવે આ સીટ જીતી હતી, પરંતુ લોકસભા ચૂંટણીમાં તેઓ કન્નૌજ લોકસભા સીટ પરથી જીત્યા હતા અને પછી કરહાલ સીટ પરથી રાજીનામું આપ્યું હતું. હવે પાર્ટીએ આ સીટ પરથી તેજ પ્રતાપ યાદવ પર વિશ્વાસ વ્યક્ત કર્યો છે. રાજ્યની ૯ બેઠકો પર પેટાચૂંટણી માટે ૧૩ નવેમ્બરે મતદાન થશે. આ પછી ૨૩મી નવેમ્બરે પરિણામ જાહેર થશે. કોંગ્રેસ યુપી પેટાચૂંટણીમાંથી હટી ગઈ છે અને સમાજવાદી પાર્ટીને સંપૂર્ણ સમર્થન આપ્યું છે. જાે કે બંને પક્ષો વચ્ચે સીટની વહેંચણી અંગે કોઈ ડીલ થઈ શકી નથી. સમાજવાદી પાર્ટી કોંગ્રેસને તે બે બેઠકો આપી રહી હતી જેના પર તેને જીતવાની બહુ ઓછી આશા હતી. સપા કોંગ્રેસને ખેર અને ગાઝિયાબાદ સીટો ઓફર કરી રહી હતી. બીજી તરફ, કોંગ્રેસ મહારાષ્ટ્ર વિધાનસભા ચૂંટણીની તર્જ પર પેટાચૂંટણીમાંથી એક પગલું પીછેહઠ કરી છે અને આશા છે કે સપા પણ મહારાષ્ટ્રમાં તેને સમર્થન આપશે અને તેને પ્રોત્સાહિત કરશે.