કર્ણાટકની એક ૪૫ વર્ષીય મહિલા સ્ક્રેચ કાર્ડ કૌભાંડનો ભોગ બની, ૧૮ લાખ ગુમાવ્યાં

હવે ઠગબાજો નવી નવી રીતે લોકોને ઠગી રહ્યાં છે, જેથી હવે લોકોએ બહુજ સાવચેત રહવાની જરૂર છે, આજે જેટલી સગવડ વધી તેટલી અગવડ પણ વધી છે અને લોકો નવી નવી રીતે ઠગાઈ રહ્યાં છે જોકે મૂળમાં લાલચ જ છે. સ્ક્રેચ કાડ્‌ર્સ નસીબ અજમાવવાની એક મનોરંજક રીત હોઈ શકે છે, પરંતુ કમનસીબે, સ્કેમર્સ તેનો ઉપયોગ શંકાસ્પદ લોકોનો શિકાર કરવા માટે પણ કરે છે. બેંગલુરુની એક ૪૫ વર્ષીય મહિલા સ્ક્રેચ કાર્ડ કૌભાંડનો ભોગ બની હતી અને આ રીતે તેણે ૧૮ લાખ જેટલી મોટી રકમ ગુમાવી દીધી.

મહિલાને ઓનલાઈન શોપિંગ વેબસાઈટ મેશ પરથી એક સ્ક્રૅચ કાર્ડ મળ્યું હતું, જેમાં કાર્ડની સાથે એક પત્ર અને સંપર્ક માહિતી હતી. કાર્ડ સ્ક્રેચ કર્યા પછી, તેણીને ખબર પડી કે તેણીએ ૧૫.૫૧ લાખ રૂપિયા જીત્યા છે. પત્રમાં આપેલી સૂચનાઓને અનુસરીને, તેણીએ આપેલા નંબર પર સંપર્ક કર્યો. બીજી બાજુની વ્યક્તિએ તેણીના આઈડી પ્રૂફની વિનંતી કરી, તેણીને જાણ કરી કે કર્ણાટકમાં લોટરી અને લકી ડ્રોની ગેરકાયદેસરતાને લીધે, તેણીને લોટરીની રકમના ૪ ટકા નહીં મળે પરંતુ બાકીની રકમ મેળવવા માટે ૩૦ ટકા ટેક્સ ચુકવવો પડશે.

મહિલા ૧૫ લાખની લાલચમાં આવી ગઈ અને તેણે તરત જણાવેલ ૧૮ લાખની રકમ ઠગબાજોના કહ્યાં પ્રમાણેના એકાઉન્ટમાં ટ્રાન્સફર કરી દીધા, જેવા પૈસા આવ્યાં કે તરત ઠગબાજાએ મહિલા સાથેનો કોન્ટેક્ટ કાપી નાખ્યો હતો પછી મહિલાને ભાન થયું કે તેણે તેની સાથે ઠગાઈ થઈ છે પરંતુ ત્યાં સુધીમાં તો બધુ સાફ થઈ ગયું હતું અને તેની પાસે રોવા સિવાય બીજો કોઈ આરો નહોતો.