કેનેડાની આ ટોપની યુનિવર્સિટીએ ભારતીય વિદ્યાર્થીઓને સમર્થન આપ્યું

ભારત અને કેનેડા વચ્ચેના અણબનાવને કારણે એવા વિદ્યાર્થીઓની ચિંતા વધી ગઈ છે જેઓ ત્યાં ભણવા જવાની તૈયારી કરી ચૂક્યા છે. કેનેડામાં અભ્યાસ કરતા લાખો ભારતીય વિદ્યાર્થીઓની ચિંતા એ પણ વધી ગઈ હતી કે તેમના સ્ટડી વિઝા રદ થઈ શકે છે અને જાે પરસ્પર સંબંધો બગડે તો તેઓને ભારતમાં મોકલી દેવામાં આવી શકે છે. આ દરમિયાન કેનેડાની ટોરેન્ટોની યોર્ક યુનિવર્સિટીના વાઈસ ચાન્સેલરે આ અટકળો પર પૂર્ણવિરામ મૂક્યું છે અને કહ્યું છે કે અમે ભારતીય વિદ્યાર્થીઓને આવકારવા તૈયાર છીએ.

યોર્ક યુનિવર્સિટીમાં અભ્યાસ કરતા ભારતીય મૂળના આંતરરાષ્ટ્રીય વિદ્યાર્થીઓ સાથે વાત કર્યા પછી, તેમણે તેમને ખાતરી આપી કે કેનેડા અને યોર્ક યુનિવર્સિટી તેમના માટે સલામત સ્થળ રહેશે. ય્-૨૦ બેઠક પછી ભારત અને કેનેડા વચ્ચે રાજદ્વારી વિવાદ વધ્યા પછી, છેલ્લા એક અઠવાડિયાથી બંને દેશો વચ્ચેના પરસ્પર સંબંધોને લઈને દરેક જગ્યાએ ઉગ્ર ચર્ચા થઈ રહી છે. ત્યાં રહેતા વિદ્યાર્થીઓ માટે કેનેડાના ટોરેન્ટોની યોર્ક યુનિવર્સિટીના પ્રમુખ અને વાઈસ ચાન્સેલર પ્રોફેસર રોન્ડા લેન્ટનનું નિવેદન દિલાસો આપનારું છે..

એક અહેવાલ મુજબ વાઈસ ચાન્સેલરે કહ્યું કે યોર્ક યુનિવર્સિટી ભારત અને કેનેડા વચ્ચેની વર્તમાન ઘટનાઓ પર પણ નજર રાખી રહી છે. અમને વિશ્વાસ છે કે કેનેડા અને ભારતની સરકારો આ રાજદ્વારી મામલાઓના ઉકેલ પર પહોંચશે. આવા મુશ્કેલ સમયમાં અમે એક યુનિવર્સિટી તરીકે ભારતીય વિદ્યાર્થીઓને તમામ પ્રકારની સહાય પૂરી પાડીએ છીએ. માનસિક સ્વાસ્થ્ય હોય કે શૈક્ષણિક વિઝા અંગેની સલાહ હોય કે પછી કોઈપણ પ્રકારની આર્થિક મદદ, અમે વિદ્યાર્થીઓને દરેક રીતે મદદ કરીએ છીએ.

યોર્કના વિદ્યાર્થીઓ વિવિધ ભાષાઓમાં અને વિશ્વમાં ગમે ત્યાંથી ‘ાીીॅ.દ્બીજીછહ્લઈ’ દ્વારા ૨૪-કલાક માનસિક સ્વાસ્થ્ય સહાયતા મેળવી શકે છે. અહીં રહેતા વિદ્યાર્થીઓ રિયલ ટાઈમ અને એપોઈન્ટમેન્ટ આધારિત કાઉન્સેલિંગ પણ લઈ શકે છે. આ સિવાય યુનિવર્સિટીએ એ પણ સ્પષ્ટ કર્યું કે વિદ્યાર્થીઓને દેશનિકાલ કરવાની આવી કોઈ યોજના નથી. ઈમિગ્રેશન, રેફ્યુજીસ એન્ડ સિટીઝનશિપ કેનેડા (ૈંઇઝ્રઝ્ર) ના તાજેતરના ડેટા મુજબ ૩૧ ડિસેમ્બર, ૨૦૨૨ સુધીમાં કેનેડિયન સંસ્થાઓ અને શાળાઓમાં કેનેડા માટે સક્રિય અભ્યાસ પરમિટ (સ્ટડી વિઝા) ધરાવતા ૮૦૭,૭૫૦ વિદેશી વિદ્યાર્થીઓ હતા.

એવું કહેવાય છે કે તેમાંથી મોટાભાગના લગભગ ૩ લાખ ૨૦ હજાર ભારતના છે. આ વર્ષ ૨૦૨૧ કરતાં ઘણાં વધારે વિદ્યાર્થીઓ છે.. કેનેડાની ટોપની યુનિવર્સિટીઓ આંતરરાષ્ટ્રીય વિદ્યાર્થીઓ માટે વિવિધ કાર્યક્રમો પ્રદાન કરે છે. કેનેડાની વિશ્વ-વર્ગની યુનિવર્સિટીઓ તેમના ઉચ્ચ શૈક્ષણિક ધોરણો, નવીન સંશોધનો અને તેમના વિદ્યાર્થીઓ માટે ઉત્તમ સમર્થન માટે જાણીતી છે. આ ટોપની યુનિવર્સિટીઓમાં એવું વાતાવરણ હોય છે જે વિદ્યાર્થીઓને વિવિધ સંસ્કૃતિઓથી વાકેફ કરે છે. વિદેશ મંત્રાલય (સ્ઈછ) દ્વારા શેર કરાયેલા અહેવાલ મુજબ, ૨૦૨૦માં કુલ ૨,૬૧,૪૦૬ ભારતીય વિદ્યાર્થીઓ અભ્યાસ માટે વિદેશ ગયા હતા અને ૨૦૨૧માં ૭૧,૭૬૯ ભારતીય વિદ્યાર્થીઓ વિદેશ ગયા હતા. આમાં સૌથી વધુ સંખ્યા કેનેડા જનારા લોકોની છે.

ફાર્મસી, ફાઇનાન્સ, નર્સિંગ અને ડેન્ટલ અભ્યાસમાં કેનેડામાં સૌથી વધુ વિદ્યાર્થીઓ છે. આંકડા મુજબ હાલમાં પંજાબમાંથી લગભગ બે લાખ વિદ્યાર્થીઓ અભ્યાસ માટે સ્ટડી વિઝા પર કેનેડા ગયા છે. કેનેડિયન બ્યુરો ઓફ ઈન્ટરનેશનલ એજ્યુકેશનના રિપોર્ટમુજબ વર્ષ ૨૦૨૨માં ૧.૧૮ લાખ ભારતીયો કેનેડાના કાયમી નિવાસી બની શકે છે. કેનેડામાં અભ્યાસ કરવા ગયેલા વિદ્યાર્થીની ફી લગભગ ૨૫ લાખ રૂપિયા છે. બંને દેશો વચ્ચે તણાવ વધ્યો હોવાથી હવે કેનેડા જવાની તૈયારી કરી રહેલા વિદ્યાર્થીઓને ડર છે કે આગામી દિવસોમાં કેનેડા તેમના પ્રવેશ પર પ્રતિબંધ મૂકી શકે છે. આ સંજાેગોમાં કેનેડા તેના દેશમાં આવવાના નિયમો કડક બનાવી શકે છે. આમાં વિદ્યાર્થીને તેમના વિઝા રદ કરીને દેશનિકાલ કરવાનો પણ સમાવેશ થઈ શકે છે.